上星期出席咗Linola X JESSICA旭苿所舉辦的冬日護膚體驗工作坊，其實我未去工作坊之前，都未聽過呢個牌子，原來Linola係來自德國的一個新牌子，專對付d極乾的敏感肌，呢排好似好多嘢多咗係德國嚟，怪不得佢地係歐債危機可以完全冇影嚮，因為佢地仲有自己的品牌！ 今次工作坊假在尖沙咀某酒店度舉行，大會好好，仲驚死我地會肚餓，先預備咗d茶點比我哋医肚，不過可惜遲咗放工，去到已差不多開始工作坊，立即鯨吞咗2件餅同飲咗杯茶。 一座埋枱，枱面已放滿咗Linola的全線7種產品，咁就由頭落到腳都有足夠的保護啦！ 今天的大會的主持為李麗蕊小姐，估唔到佢英文咁好，同埋好正經，因為係我認識的她中，只係諗起佢拍9X年，逃學威龍個造型，簡直正爆！到而家仲不停係我腦海度擁出嚟！ 而 今天為我們講解Linola產品的是Christoph Abels教授，教授先講解點解會有敏感肌同濕疹肌的形成後，再講解Linola的全線產品，Linola全線產品都加入Linoleic Acids(亞油酸)，使肌膚形成一層保護屏障，從而挽救敏感及極乾肌膚。同埋Linola的全線產品，亦都適合孕婦、BB、兒童及大人，而教授講解完 後，大會仲請得1999年亞洲小姐亞軍得主饒珮君小姐作即時試用示範，原來饒小姐係教跳舞的，所以成日都會攪到d肌膚有發紅情況乾燥及發紅，佢都話敏感情況一直困撓住佢！搽d咩嘢產品，都改善唔到敏感情況！但一試完Linola的產品後，就真係一試愛上了！因為真係即刻舒緩到佢咁易敏感同脆弱的肌膚！ 先試吓Shampoo(洗髮露)的質感先，透明gel狀，冇香味的！教授話呢支shampoo好適合有頭皮人仕使用，因為性質好温和同有保濕成份，唔會再刺激頭皮，即席試過，係冇泡的！ 佢嘅保濕度，係唔駛用護髮素，都可以令頭髮柔軟滋潤。 之後再試吓Shower and Wash(温和潔淨凝膠)，都係透明的gel狀，有微少香味，但我超鐘意隻香味。我見呢排天氣咁乾，我嗰晚返屋企立即試過呢隻shower，微泡，但用完肌膚真係有一層薄薄的保護膜咁，呢排都冇覺得肌膚好似之前咁乾爭爭，唔錯，秋冬之選！ 對呢句"兒童洗澡從此告別哭鬧"好感興趣！ 之後就試一下Face(面霜)，初初吱出嚟，以為好杰身，按咗幾吓之後，好易已經推得開，真係好滋潤，呢支face lotion乃臉部極乾而又容易敏感肌膚的人仕的恩物，我的肌膚都適合，因為秋冬比較乾！ 搽全身的肌膚呢就可以用Lotion(潤膚露)，冬天我好鐘意用好熱嘅水嚟沖涼，或者浸浴，所以一沖完涼後肌膚，都會覺得好繃緊，有時直程乾到龜裂，呢支body lotion簡直係救星，即時滋潤到我繃緊同極乾的肌膚，真係完全係我嘅肌膚上，留有一度保護膜，免受水份流失！ 再試一下Hand(護手霜)先，呢 支吱出嚟，冇咁杰身，好易推開，我覺得hand cream較水潤多d，我係嗰d平時日間一定唔會搽hand cream的人，因為我係嗰d搽完hand cream勁易出手汗的人嚟，我當晚諗離開會塲前，搽咗Linola呢支hand cream之後，全晚做嘢，我都冇特別出手汗喎！同埋佢的size啱啱好，我放係手袋都唔阻位置，好嘢，我第日日間都可以搽hand cream了！ 估唔到Linola連我嘅腳仔都照顧埋，仲出埋Foot Lotion(護足霜)呢！搽腳踭一流，因為大家都知腳踭係最乾的！仲可以抑制皮膚的有害細菌呢，啱曬日間著鞋前使用，又可以保護双腳，又可以令腳部有靚靚肌膚。 Linola真係連特別部位都照顧埋，如果特別部份有敏感情況，可以用呢支Breathable Protective Balm(透氣護膚霜)，搽少少係特別部位，作保護，BB亦都啱用。 最後大家嚟個大合照，個event就完滿了！ 估唔到仲有全線1套7件的Linola產品攞返屋企試用，真係開心！ Linola的全線產品，全部在萬寧有獨買啦，價錢由hkd69.00 - hkd169.00不等 後記：估唔到今日去完工作坊，晚上就係電視到見到Linola的廣告了！真係僑，哈哈… 仲有我決定攞支Face(面霜)比我下星期去泡菜國旅行，大家都知嗰邊又乾又凍，同埋異地，都怕去陌生的地方，會有敏感肌膚的情況發生，攞定去看門口都好！以避不時之需！
