夏天，做少一日美白都唔得，因為一到WEEKEND的同陽光玩遊戲活動，至少出現一日，有時甚至兩天全天候！

我通常一出完戶外後，晚上一回家，唔理佢勁曬定少曬，做番個美白MASK真係不可少的！但做MASK我都覺得唔夠，一定要全天候360度美白，呢排亦都好興幸，可以試到Dream Skin的"極級水嫩無瑕透白系列"，而Dream Skin極級水嫩無瑕透白系列包括如下3樣產品：魔法美白乳霜、千倍水嫩補濕凝霜及雪感亮肌淡斑去印面霜

先試吓隻Dream Skin雪感亮肌淡斑去印面霜先 ~~

Dream Skin雪感亮肌淡斑去印面霜 HKD179.00 / 30ml (全線萬靈獨家有售)

產品簡介及功效：獨特的軟霜劑型於肌膚表層發揮自然遮瑕功效，能遮蓋及淡化斑點紅印，即時撫平幼紋，且具抗氧化及保濕作用，能改善暗啞膚色，令肌膚透白如雪。

主要成份：美白亮肌因子(-) -alpha-bisabolol、摩洛哥堅果油及向日葵籽油等

使用方法：每天早晚潔面及爽膚後，取適量塗於面部和頸部輕輕按摩至完全吸收。

一開，我仲係度諗，點用呢？咁得意的？用手"了"極，都"了"唔到上嚟，之後終於都明，個內附"膠匙"有咩用，原來就係用嚟"不"佢上嚟的！真大鄉里！嘩… 一"不"上嚟，個質感真係好得意！我初初諗緊，咁古怪，會唔會好難用呢？但原來又唔會喎，"不"咗上嚟後，放係隻手，推開咗，再搽上臉，又幾易推開喎！

我仲用嚟厚敷我D斑斑位，待5分鐘之後，才推開佢，好得意喎，推開咗後，塊面的感覺好似有一層嘢係您塊面度保護住您咁，但唔係笠的，係爽的！唔知點解，我好鐘意呢種感覺喎！個感覺超得意！難已形容。

用咗2星期Dream Skin雪感亮肌淡斑去印面霜後，我覺得臉上的大斑斑，比未用前，淡色了一丁點呢！

呢排由於晚上成日開冷氣，就算搽幾保濕的產品都好，晚上瞓完一覺之後，第二朝起身時，總係覺得全臉的水份，好似比冷氣機抽乾曬咁滞，好有想撕裂的感覺！所以呢排，我除咗用Dream Skin雪感亮肌淡斑去印面霜外，仲加埋千倍水嫩補濕凝霜作睡眠面膜之用呢！

Dream Skin千倍水嫩補濕凝霜 HKD169.00 / 50ml (全線萬靈獨家有售)

產品簡介及功效：結合6大韓國頂級修護成分，於肌膚上瞬間化成千滴水珠，極微細分子容易被皮膚吸收，更於肌膚表層形成水凝保護膜，鎖緊水份並促進肌膚再生

主要成份：六胜肽、三胜肽、氨基酸、PGA、表皮生長因子E.G.F.、維他命原B5

使用方法：於化妝前、潔面及爽膚後或睡前取適量面霜均勻塗在面部及頸部位置，輕輕按摩直至肌膚徹底吸收。如作睡眠面膜使用，可取較多分量讓肌膚於酣睡時持續吸收精華。

咦，我幾鐘意呢保濕霜個質感喎，GEL妝的！勁易推開！好有水澢澢的感覺！

再用上臉，按摩吸收曬後，一D都唔笠喎，仲好爽呢！但又不失水潤感覺，我呢排浸住搽完先瞓，第二朝一覺醒來，終於塊面的肌膚再冇撕裂的感覺了！超讚呢！

而日間，用完Dream Skin千倍水嫩補濕凝霜或雪感亮肌淡斑去印面霜後，就可以用埋Dream Skin魔法美白乳霜作防曬或底妝之用 ~~

Dream Skin魔法美白乳霜 HKD149.00 / 50ml (全線萬靈獨家有售)

產品簡介及功效：於韓國熱銷的美白潤膚乳，塗於面上或頸部輕輕按摩，其美白滋潤成分像魔法般令肌膚即時美白透亮，而且能全日保持嫩白，可作妝前底霜或裸妝使用，持續使用更能減淡斑紋，均勻膚色達至徹底美白效果。

主要成份：維他命B3、蘆薈葉汁及腺苷等

使用方法：每天早上潔面及完成護膚步驟後，取適量均勻面部或頸部，輕輕按摩直至肌膚徹底吸收。亦可用於身體各部位，用後更顯嫩白柔滑

一吱出嚟，個質感好豐厚吓咁喎！較為杰身

我之前真係冇化任何底妝，粉底液的，但用完Dream Skin魔法美白乳霜，膚色真係變得均勻咗喎！真係好似搽咗少少裸妝咁喎！但查實我又真係冇化妝呢！塊臉仲好爽呢！佢仲有一樣好，係有高度防曬呢，可以當埋防曬霜咁用，真係方便，搽一支攪掂曬！因為我夏天真係唔鐘意搽咁多嘢上臉，我係勁大汗嗰D人，在外不到5分鐘，已經可以成臉濕曬！所以夏天搽嘢出街，一定要夠簡單，呢支Dream Skin魔法美白乳霜真係防便曬！

但最後，一提大家用Dream Skin魔法美白乳霜小TIPS，記住唔好一次過吱太多，先取一個一毫子份量的SIZE先，唔夠先再吱，因為我頭一次吱得太多，我搽曬上臉，立即變咗個日本藝妓啊，即係塊面白曬嗰D！所以份量要適可而止，如果唔係又浪費又唔好睇，就唔好啦！

最後比大家睇睇，用咗2星期左右的Dream Skin極級水嫩無瑕透白系列後，肌膚明顯比未用前白淨有光澤咗不少呢！

成功發佈