02 Oct 2015… Moscow 今日好忙呀！因為我地得返半時間！好似仲有好多嘢要做咁..... 第一個活動就係玩地鐵站喇~~ 莫斯科出名好多個地鐵站都好靚~~ 我地 search 咗邊 D 站靚之後, 就順路地落車影相~~ 最 signature 嘅我諗都係 Komsomolskaya Metro Station 喇~~ 因爲我地時間有限, 所以只係揀咗去幾個我地覺得比較靚同特別嘅站~~ 如果時間充裕, 真係不妨去多幾個睇下~~ 之後我地就諗住去俄羅斯套娃博物館 (The Museum of Russian Matryoshka/ Музей Матрёшки), 即係”吸吸娃”嘅 museum 呀~~ 哈哈~~ 其實都算係特登去, 因為 museum 嘅附近其實冇乜嘢行, 到咗嗰條街之後我地搵咗陣都唔見有 museum, 再問下人啦, 原來間 museum 已經冇咗..... Oh No...!!! 等我地重專登過嚟 tim..... 爭取時間, 即刻去紅場, 由套娃museum 可以步行過去, 沿特維爾大街一路行大概行 35分鐘, 途中經過一個地方放咗 D 好 colorful 嘅牛牛, 大南瓜擺設, 俾人影相嘅佈景板... etc... 後面仲有 D 攤擋但係冇開, 我地喺度玩咗一陣再繼續向紅場方向前進~~ 點擊圖片放大 +18 終於到喇~~ 首先望到嘅係一座磚紅色建築物 - 俄羅斯國家歷史博物館 (State Historical Museum/ Государственный исторический музей), 唔知有咩活動, 外面放咗一條好長嘅枱, 上面全部都係假嘅嘢食, 個個走埋去影相~~ 博物館前面有個朱可夫元帥雕像 (Памятник маршалу Г.К. Жукову)~~ 點擊圖片放大 +3 經過博物館, 終於見到紅場同”洋蔥頂頭大教堂”喇~~ 成個廣場好大, 圍住廣場除咗聖巴素大教堂 (St. Basil's Cathedral/ Собор Василия Блаженного) 同歷史博物館, 仲有克里姆林宮 (Kremlin/ Московский Кремль)、列寧墓 (Lenin's Mausoleum/ Мавзоле́й Ле́нина) 同國家百貨商場 (Gum Department Store/ ГУМ)~~ 要影晒咁多面嘅建築都唔易, 因為地方實在太大喇~~ 我地喺廣場中間玩咗一輪自拍同拍片之後, 就去聖巴素大教堂參觀~~ 點擊圖片放大 +18 喱間教堂嘅外觀真係好靚呀~~ 我地買飛入埋裡面, 入面嘅裝修同壁畫我自己覺得比較古典同樸素, 有好多位置都用咗花花 pattern, 感覺好 warm~~ 咁啱仲有幾個男士唱緊聖詩 tim~~ 點擊圖片放大 +14 點擊圖片放大 +17 之後我地入咗國家百貨商場, 入面好大好靚~~我地喺入面買咗個雪糕食~~ 由於多數都係名店~~ 我地冇仔細行就走咗喇~~ 走嘅時候見到 buddy 們最愛嘅 Krispy Kreme, 入去買埋 doughnuts 我地今次嘅俄波之旅去到尾聲喇~~ apartment 幫我地 book 咗 3:45pm 車起程去機場, 7:15pm 機返香港喇...... 點擊圖片放大 +18 … END … 後記： 1) Highly recommend 波蘭喱個地方, 特別係小鎮, 景又靚物價又平~~ 2) 聖彼得堡雖然感覺有 D 唔太安全, 但滴血教堂確實係靚得誇張, 真係好值得去!!!
