曾經見過一個小朋友，每次見到佢，都係俾爸爸媽咪鬧緊，每樣嘢都批評佢做得唔好，爸爸稱之為＂高要求要consistent＂。 Parenting真係有好多唔同嘅方法，只可以話唔係我嗰套～因為我相信讚賞表揚嘅正面影響。 諗番起睇過一本書，叫"好父母教出好孩子"，作者quote咗一個研究，睇睇讚賞同批評對孩子學習嘅影響。 首先無論係受讚賞定係受批評嘅孩子，只要得到父母嘅關注，對於孩子嘅學習已經有幫助。 但係點樣嘅關注會比較有效呢？ 研究指，讚賞同批評都會能夠提升孩子嘅學習成績，受批評嘅孩子甚至即時作出更大嘅改善添。不過，作為父母，我哋希望今次"關注"只有即時效果，定係希望長遠都有用呢？原來，受讚賞嘅孩子，會更有動力主動地持續改善，相反受批評嘅孩子，批評完佢之後會有即時嘅改善，但係之後學習成績竟然會明顯倒退。 換個角度講，其實鬧，只能夠暫時解決當前嘅問題，呢一刻小朋友為咗你唔好再避免俾人鬧，即刻會做好啲，但係之後會唔會繼續做呢？未必啦，至少我自己細個都係咁！ 但係，講到讚，都要讚得有技巧喎。睇吓我之前小小嘅分享啦，唔知啱唔啱用呢？！ 讚賞孩子好方法: goo.gl/aMfpV0 為自己打下氣先： ～～～～加油呀！～～～～ ~希晴媽媽與寶貝女～facebook連結
