Long weekend又係考各位爸爸媽媽安排活動嘅時候，上次去馬場騎唔到馬仔，所以今次專程安排嚟大棠有機生態園，滿足吓寶貝女嘅願望 ❤ 近期好興去農莊、田園之類嘅地方，大棠呢度地方真係幾大，主要有幾樣嘢玩: 1. 餵馬 (1 ticket) / 騎馬 (2 tickets) 喺香港可以騎馬嘅機會唔多，康民署同馬會搞嘅同樂日名額又有限，所以想近距離接觸馬仔，呢度算係方便之選。 2. 繩網 (free) 比較適合5歲以上嘅小朋友，寶貝女嘅年紀嘅啱晒，媽媽都覺得難度幾高，啱晒俾佢練大膽啲，爬嚟爬去放電，媽媽都爬得好開心喎~ 點擊圖片放大 3. 跳彈床 (2 tickets) 每個小朋友活動一定會有嘅玩意，但係呢個比較細，冇瀡滑梯，適合3、4歲嘅小朋友多啲。 4. 餵小動物 (1 ticket) 切好晒一條條紅蘿蔔，就可以俾小朋友餵吓羊仔白兔仔，呢度嘅動物同圍欄範圍都比錦田大同乾淨，餵都餵得開心啲。另外仲有一個大魚池，可以俾小朋友餵魚架。 費用: 入場每人$30，遊戲券$80 4張，我哋一大一小玩咗$220呀～ 交通: 西鐵朗屏站轉K66巴士~都算方便架 經一事，長一智: **雖然6點閂門，但係騎馬仔去到5點半，我哋冇留意時間，想騎多次都就遲咗，令寶貝女有少少失望添。 **本來諗住食完午餐入去，如果肚餓就買少少零食啦，點知，除咗好遠嘅入口之外，成個農莊入面都****冇小食、冇飲品買架**** 今次食完lunch先去，我同寶貝女都覺得時間太短唔夠玩，既然今次玩得咁開心，下次要早啲再去先 ~希晴媽媽與寶貝女～facebook連結
