原來10月唔係淨係寶貝女忙，連媽咪番工都忙都甩晒轆，對上一次發文已經係11日前喇！ 10月12號，我哋就跟咗教會去嘉道理農場；嘉道理農場喺大埔林錦公路，大帽山腳附近，可能寶貝女仲細啦，平時真係好少去到咁遠，不過今次係旅行團，有安排車接送，梗係唔係浪費lee個大好機會啦！ 一入到去農場，見到大樹下一處休憩嘅地方，感覺真係好清新，好舒服。 咁難得嘅機會，梗係叫埋婆婆同爸爸一齊啦！爸爸最怕就係寶貝女俾蚊咬，所以蚊怕水不離手！ 我諗好多做父母嘅都明白，其實對於小朋友黎講，去旅行去邊，其實真係唔多重要，最緊要都係同一啲平時玩開嘅小朋友一齊玩啫！ 當佢哋發玩到嗰棵「含羞草」嘅時候，小朋友就簡直如獲至寶一樣，一棵小草都可以令佢哋唔捨得走架！ 平時好少見嘅動物，喺lee度都睇到架，有鱷魚啦，又有有孔雀，寶貝女睇到都「嘩」一聲呀！其實農場仲養咗幾隻大肥豬架，不過佢哋喱埋咗，但係寶貝女淨係見到佢個pat pat都超開心！ 可能係因為參加旅行團嘅關係，始終都係覺得時間唔夠充份，如果有機會嘅話，我希望可以行晒成個山頭，有山有水，有花有草咁，真係好舒服，lee個天氣去就最啱喇！ 嘉道理農場暨植物園網頁 http://www.kfbg.org.hk/
