亂世當中，雖然心情十分沉重，偶爾留意吓身邊嘅寶貝女，總有開心事帶俾我無限嘅正能量。 瞓覺之前，寶貝女靜靜地等媽咪飲完碗湯同佢讀故事嘅時候，我就話：「不如你自己睇一陣先啦，媽咪轉頭過黎。」......「好呀！」一聲，寶貝女就自己走咗去，拎起一本上個星期六買番黎嘅書開始睇。 lee本係ready to read books嘅level 3，全本書一共40頁，雖然佢冇寫啱幾多歲睇，不過行開書局嘅時候，寶貝女睇到就話覺得幾得意，雖然佢平時都係睇緊level 2嘅書，但係我諗：「冇壞嘅，未啱睇咪大個啲先囉！」 寶貝女拎住本書坐喺床度，一路睇一路讀，入晒神咁，細心啲聽吓，原來佢唔只係讀英文架喎，有少部份佢仲會用中文講番個意思出黎，好搞笑！佢專心睇書嗰個樣當然可愛，但係媽咪覺得最出奇嘅係，本書唔淺架喎，句子又長，仲要分成4個chapters；對內容嘅理解，我都唔肯定佢明唔明得晒，但係令到爸爸同我最出奇嘅，係佢竟然咁有耐性睇晒本書。 講真，爸爸話我哋嗰個年代，二、三年班都唔知可唔可以handle到lee本書；不過我信嘅，唔單止係小朋友個人嘅能力，仲係爸爸媽咪教嘅方法。都係嗰句啦，「生命工程」真係要用心學架！（credit to mami please） 10月4日，係一個相當值得紀念嘅日子，心存感恩，寶貝女睇嘅英文書，已經由level 2成功轉移到level 3喇！如果佢喺其他事上面都有lee種耐性，你話幾好呢
