我哋細個嘅年代，好少會同媽咪一齊沖涼，可能思想唔同啦，媽咪會覺得尷尬，而且住嘅地方好少會有浴缸，而家嘅小朋友真係幸福呀！ 可能我之前餵人奶餵左年半，都習慣咗超親密嘅接觸，所以一啲都冇尷尬，成日都一齊換衫，仲好鐘意同寶貝女一齊沖泡泡浴添！ 寶貝女三歲左右沖泡泡浴嘅時候係鐘意游水咁架！ 同寶貝女沖泡泡浴嘅時候，真係超sweet架，大家一齊沖涼，你幫我擦背脊，我幫你搽泡泡，我哋仲拎埋啲沙灘玩具幫對方淋水，仲一齊吹泡泡添！個畫面就好以前細個睇電視劇或者卡通片嘅內容咁，幾溫馨！ 除咗溫馨之外，泡泡浴俾咗我一個額外收獲，就係「早期性教育」。有時大人同小朋友身體特徵唔同嘅地方，都幾難講出口，偏偏lee啲不同之處，就係寶貝女最留意到嘅地方，只要佢留意到，有問題我都會慢慢解答，到佢漸漸長大嘅時候，佢對身體上嘅變化就唔會覺得咁出奇、咁有疑惑，當中仲包括點樣清潔敏感部位，lee啲信息都可以透過泡泡浴嘅時候自然咁示範同表達，對女孩子尤其重要架！ 有一次寶貝女睇到我肚皮上面嘅妊娠紋（可能少搽嘢，仲喺度），佢問我點解有啲一條條嘅痕，我話：「你留俾媽咪架喎！」佢覺得好搞笑，我就解釋俾佢聽：「因為你喺我個肚入面嘅時候，個肚慢慢大，啲皮膚就掹緊咗，到你走出黎之後，個肚仔縮番細，但係啲皮膚縮唔切，唔夠彈性，就變成咁lu！不過都ok嘅，都唔係太明顯啫！」寶貝女只係笑一笑，唔知佢點諗呢？ Bubble bath最緊要嘅，當然係有bubbles！我都係靠表姐介紹先識搵，所以喺度寫，唔係為宣傳，只係分享好嘢： Lee間嘢周圍都有，越開越多，一啲都唔難搵； 一瓶蓋嘅份量，用花灑對住嚟沖水就已經開到成個浴缸都係泡泡，仲有蜜糖嘅香味，正！最緊要佢性質都好溫和，寶貝女輕微嘅皮膚都啱用； 講起泡泡浴，又點少得一張出浴照呢？！
