其實除咗工作，我lee個在職媽咪真係好少好少週末唔係自己湊住寶貝女，好似今日咁，就係兩三個月先一次嘅週末工作日，事關公司有個會員活動要幫手，明知今晚會晏收工，可能陪唔到寶貝女食飯，只好早少少起身整個早餐，陪寶貝女食埋先出門口啦！ 為咗我嘅寶貝女，我由服務性行業嘅前線工作，轉行同時轉到office做後勤支援，但係由於「對客」lee方面我超有passion，我好珍惜而家每次公司活動嘅機會，見吓世面過吓癮。 今次會員活動嘅主題係「品茶」，我同我team三個同事，由計劃、聯絡、安排、宣傳、場地set up、小食、禮物、接待、甚至司儀工作都一手包辦，都真係幾multi task 架！今次嘅活動幾有特色，試咗3款唔同嘅茶之餘仲有用茶葉做嘅小食，分別係桂花糕同玫瑰蜜多士，好似搞緊wine and food pairing 咁，好新鮮，好得意。 不過最有趣嘅就係下面張相入面嗰杯茉莉仙桃，仲要用martini glass，夠晒卓頭，我做緊嘢都忍唔住要試番杯…… 又真係幾特別架喎！btw，張相冇用美顏、美圖等等嘅apps執過架，皮膚都ok喎！哈哈！ 活動完咗之後，適逢係其中一位靚靚同事嘅生日，我哋當然要切蛋糕慶祝吓啦！ 完晒所有debriefing同follow up，番到屋企已經9點 ，寶貝女啱啱睇完書準備瞓覺喇，由於媽媽好緊張寶貝女嘅瞓覺時間，媽媽只好俾一個kiss goodnight就走開，聽日先再玩啦！ 其實我真係好幸運，老公能夠一個人貼身照顧寶貝女嘅所有需要，包括食、玩、瞓、仲帶埋佢去學芭蕾舞，等我可以安心全情投入我嘅工作！yeah！老公萬歲！
