終於係聖誕假期間可以寫盧森堡之旅啦。執筆時都收到消息話盧森堡國內所有公共交通將會喺2019年下半年全部免費！呢個做法當然會鼓勵當地人搭公共交通，因為真係日日塞車都唔掂！而去旅行嘅我哋亦會成為想留耐啲嘅理由啦。 其實我一到埗之後嘅一日係走遍唔同博物館同搵嘢食，為免太雜，我盡可能係一個地方一個post。所以都會陸續會出post嘅。 上一篇講到我攞咗偽．中港車後，就開始我嘅自由行啦。喺我以前住多倫多嘅經驗，都會搵個停車場泊全日，然後轉公共交通。呢樣亦適用喺盧森堡。旅客可以喺遊客中心買Luxembourg Card，裡面包埋公共交通車飛，任上任落都得！巴士方面就平時2 EUR任搭兩小時，4 EUR搭全日。 Luxembourg Card仲包免費參觀博物館，同埋收費活動有折頭！梗係去買啦！ 喺盧森堡租咗車嘅可以考慮泊喺Place de l'Europe嘅地下停車場。勁多位泊㗎（不過我就泊到好樣衰...唉） 日頭當你泊足七小時都係折合百幾港紙，港島區價㗎喇 Place de l'Europe 外面 泊咗車後再踏巴士去市中心嘅遊客中心買Luxembourg Card；啲巷仔都幾好行 再折返去Place de l'Europe後就去第一站：MUDAM博物館啦。 MUDAM全名係Musée d'art moderne Grand-Duc Jean，亦即係現代藝術博物館。值得走一轉睇睇。 博物館內嘅餐廳一陣再介紹 是日精選：人如果冇夢想，咁同鹹魚有乜分別？ 話說有人環國踩單車，有埋GPS紀錄㗎 行到中午時段啱啱好就食午餐啦。點解我會喺博物館內食呢？其實我出發之前睇咗呢個blog介紹盧森堡有乜好食，而該網主有推介呢間MUDAM Cafe啦。 再次點本地啤Battin 呢味嘢真係大有來頭，係本土菜式，叫做Luxtrip！啲肉生生地（安全嘅，放心），有類似美加嘅雞肉沙律嘅感覺。好入味仲夠飽肚添！ MUDAM Luxembourg 3, Park Dräi Eechelen L-1499 Luxembourg-Kirchberg 後記： 頭先講到攞Luxembourg Card去免費遊博物館嘅？咁去到counter攞飛時，好多時都會問你邊豎嚟嘅。你可以根據你嘅護照國籍去報啦，不過既然我用特區護照入嚟咯，梗係話我喺香港嚟啦。法文點講呀？Je viens de Hong Kong. （音拼：shuh VIEN de Ong Kong）記住啦，唔好刁我哋香港人假呀 XDDDD 下一篇：Guided Tour漫遊盧森堡，敬請留意！ 臉書專頁：在此
