喺波哥大期間除咗探訪當地華人商舖同搞教會活動外，捐窿捐罅搵嘢食就一定㗎啦。帶大家睇吓啦！ 食 去到哥倫比亞，點都要試當地食物嘅。唔係話當地華人唔煮唐餐，但係如果餐餐要求食唐餐，咁去旅行就冇意思啦！（更逞論短期或長期定居！） 波哥大街市Paloquemao早餐試食，有小圓包almojabanas，口感特別。當然高原地區一般建議飲汽水補吓氣啦。當地人好興飲Colombiana。 有本西文Phrasebook旁身，方便同啲阿姐溝通。（當然去到旅程下半期就可以唔使Phrasebook都夾硬講到西文啦。） 唔記得咗乜名嘅菜湯 七成熟嘅牛扒飯，都幾好味 Soursop，即星馬華人所講嘅「紅毛榴槤」，哥倫比亞都有！打汁一流 版主特別推介：Crepe de pollo a la Huancaina... Pollo即係雞，Huancaina係秘魯嘢…好好食呀！ 哥倫比亞版鐵板餐 咦？牛油果撈飯？乜嘢配搭嚟呢？ 版主特別推介：哥倫比亞雞湯Ajiaco，傳統上係撈飯同牛油果一齊食。大滿足。（後記：個收銀定係店主係加拿大哥倫比亞雙重國籍人士，仲要係密西沙加(Mississauga)住過！俾錢用英文都得！） 唔記得叫乜名嘅炒蛋，但有大片芝士、腸粒、同番茄 版主特別推介：Changua Santandereana！通常當地人趕時間開工就整碗Changua食。牛奶配硬麵包好似我哋食粥加油炸鬼咁。（台灣嘅鹹豆漿都講得過去。）呢個版本仲加一大片芝士上去，有洋蔥湯嘅感覺。（謎之聲：對呀對呀對呀，對呀～） 另一種哥倫比亞鐵版餐，勁飽肚 少人留意嘅波哥大嘅一面 由於今次係住喺當地華人教會，離市中心都有少少距離，所以亦可以睇到波哥大住宅區嘅一面。仲去咗國立大學一轉添！ Transmileno專線巴士同大多倫多約克區嘅Viva類似，特別係啲站係起高少少同有幕門添！ 有啲似星馬嘅感覺 有幸參與當地僑社嘅新春團拜 點擊圖片放大 有少少似天后（維園對出）嘅感覺 公路尚算發達，但容易塞車 嚟到哥倫比亞嘅國立大學喇 點擊圖片放大 說不出嘅似曾相識嘅感覺 住宅區 高尚住宅區 點擊圖片放大 +4 波哥大舊城區 嚟到波哥大點都會去舊城區行吓嘅。 點擊圖片放大 +3 終於嚟到大廣場La Plaza de Bolivar！不過都要提醒大家：小心俾人打荷包！（好在我同同行隊友們冇俾人撻嘢。） 好想講：世界那麼大～ 點擊圖片放大 +5 之後行去Botero Museum。其實佢仲連住錢幣博物館㗎，所以一去可以睇兩樣嘢。 話說，藝術家Fernando Botero將佢啲作品捐俾哥倫比亞央行，然後作為展覽。Botero嘅特色係將人像加肥！幾過癮㗎！ 加肥版蒙娜麗莎 唔好心邪呀，只不過係一個人洗白白咋 家庭照 都話唔好心邪啦 都話唔好心邪啦 x2 有生果同結他，仲想點 點擊圖片放大 +2 當然買咗好多張Botero嘅明信片做手信啦。結果喺我番香港冇耐... 由波哥大帶去多倫多，再帶番去香港，仲要去埋郵意明信片主題咖啡廳釘咗張明信片上去，總算向大家簡單介紹咗哥倫比亞啦。 一連三集嘅「復活節長週末特輯：哥倫比亞波哥大」就咁告一段落啦。希望好快又會再去多次，發掘啲新嘢俾大家！照樣嚟我嘅臉書專頁交流吓！
