講起哥倫比亞，好多人會聯想到咖啡，有啲會聯想到走粉、治安好差等等。 但係二月嘅旅程發現都冇咁恐怖啦，至少喺哥倫比亞首都波哥大。 波哥大作為首都，位置已經係海拔八千幾呎，好在食咗藥先去，否則難免會有高山症發生。 以下介紹嘅Monserrate，仲高：海拔10,341呎！肯定唔可以大動作，否則唔多夠氣！ 山腳下準備搭纜車上山 山頂上的教堂（較暗咗個contrast添） 點擊圖片放大 教堂外嘅廣場 最後的晚餐（亦後來成為基督教嘅聖餐／主餐嘅基礎） 耶穌被捉拿 如果網友番天主教堂或者基督教禮儀派教會，你懂的 俯瞰首都波哥大（一部份） 點擊圖片放大 山頂上嘅餐廳 哥倫比亞係天主教國家，通常都有啲「苦路」俾啲信徒去行，去紀念耶穌為我哋嘅罪釘喺十字架嘅事啦。不囉嗦，慢慢睇啦！ 點擊圖片放大 +13 臨落山前再影波哥大（夜景版） 咁我想去睇Monserrate，纜車幾點開同幾多錢呢？ 以我有限嘅西文翻譯，得知時間同價錢如下： 週一至週六：12pm - 11pm 週日：8:30am - 4:30pm 公眾假期：12pm - 5pm 價錢（現時1 USD = 3,073 COP）： 週一至週六及公眾假期：8,500 COP（單程）；17,000 COP（雙程）；13,000 COP（長者雙程） 週日：5,000 COP（單程）；10,000 COP（雙程）；8,000 COP（長者雙程） 晚間：18,000 COP（雙程）；15,000 COP（長者雙程） 話時話喎，多咗人嚟臉書專頁睇喎。（樂）（再呃Like先）除咗呢度嘅網誌外，臉書專頁都會上載啲雜影同大家分享。下一個post會介紹鹽礦洞。敬請留意！
