All the leaves are brown and the sky is gray I've been for a walk on a winter's day I'd be safe and warm if I was in L.A. California dreamin' on such a winter's day... 其實，我唔係去LA，只不過The Mamas and the Papas呢首歌要壓韻嘛。我而家係喺三藩市啦。其實今次係第三次去啦，但係冬天就嚟緊時去嗰度公幹...避咗多倫多嘅陰暗天氣。 如果大家仲記得我去波士頓嘅時候租咗Zipcar，今次我會詳細少少介紹點樣去租。 Zipcar適合隨時隨地有得租車，短則去買餸長則出roadtrip嘅人士。現時Zipcar喺美國、加拿大、英國、法國、西班牙、同奧地利有得租。可以以年費或月費型式去使用呢個服務。網友可以去呢個網站查詢：ZipCar USA 香港嘅網友都可以申請，不過除咗你要張1號或2號車牌去申請外，你仲要諗你係唔係年年去北美或英國至少一次。如果唔係嘅話，咁我情願你租番Avis, Budget, Hertz之類嘅租車公司了。 重點啦：同普通租車公司唔同，租車包電油同燕疏！（當然，如冇買墊底費就有乜東瓜豆腐就最多俾750加幣。）甚至你可以揀想揸乜嘢車！小弟曾經租過富豪S40、萬事得Axela, Premacy、同埋最近嘅起亞Soul。（笑） 當然，Zipcar係有行車里數限制㗎。喺美國就每日180mi。 今次去三藩市，我去Zipcar book車啦。如果喺機場攞車，Zipcar有Road Trip Sedan俾你！不過車種選擇唔會多啦，但係攞Zipcar車同平時冇分別。 臨出發前，切記切記：你係需要帶嗰張Zipcard去開車，否則...你諗掂佢囉。 我哋睇吓點樣去攞車啦喎。 先搭AirTrain藍色線去租車站（尾站嚟㗎。） 101國道呀呀呀呀呀～ 你會去三樓Avis租車處去攞Zipcar。其實得嗰四五部車你揀。當你揀好之後，攞你張Zipcard喺駕駛位上邊個角位嘅sensor拍卡，部車就係你租㗎啦！ 今次陪我度過四日三夜嘅加州trip係日產Sentra（日本係Sylphy）。無段變速車CVT喎。有名你叫啦，所以時下嘅八速（甚至九速！驚）自手排全部多鬼餘。 番外篇：Millbrae喪hea遊 由於酒店喺東面Oakland一帶，無謂同人塞車又兜多轉，就喺Millbrae食晏同食晚飯！啲中餐絕對有水準㗎。 愛似是陽光空氣... 有郵局！可以提早寄咗啲postcard番香港啦。（我臨去之前已經寫定先，無謂回程趕飛機時去寄咁就淆底啦。） 月亮好圓 加州啲屋真係好靚，但係亦都夭‧壽‧貴！（抱頭） 好啦，要早瞓啦。呀，如果有網友想話俾我聽三藩市有乜正嘢去，去臉書專頁傾吓吖！雖然，計埋今次我係第三次去，但係可能有啲地方未去過嘛。
