愛上自遊行的其中一個理由是你總會遇上意想不到的事, 是好,是壞, 是驚險, 是奇遇.......我不曉得會遇上甚麼, 但過後我都總會覺得興幸我遇上了, 我多了一個故事留在記憶中。 上年8月跟妹子和媽媽豬到莫斯科第一次乘搭鐵路差點被捉走, 不過那幾天在這個鐵幕之國下的鐵路之行,現在在我心中仍是回味的 事情係咁既，我地一行三人第一次搭莫斯科地鐵，車站內雖然有下圖的自動售票機及估計是車資表的東西，但全部都係俄文。咁岩我買既旅遊書介紹搭地鐵簡單到好似1+1=2， 咁我地只能靠估，同pictionary問票務處。 唔好諗住英文係無處不在，呢樣野應該係我有生之年都唔唔會係俄羅斯發生，就算有，都會係有中文先，唔會有英文吧。全個俄羅斯所有公共設施標示的只有俄語。而且識bb班level英文既人都只是小貓三四隻。 妹子攞住部 ipad，並顯示莫斯科鐵路圖 去到票務櫃檯向票務員指示由此站去到某站，然後舉起3隻手指說 "3peoples "，結果票務員給我們2張紙卡說其中一張是2人票，但細看兩張票根本一樣，咁就唯有去試下囉。 去到閘口眼見有乘客刷卡後螢幕顯示0然後入閘。另有乘客刷卡後顯示1然後入閘。我地估計"0"意思係只可搭1程；"1"意思係搭完呢次仲有一次吧！ 好！等我地又試。妹子行先，剛好佢張卡係0, 之後入另一張卡，媽媽豬先過閘，眼見閘口沒有關上，我就隨後入閘。正當我地向右行，下面相中估計是警衛既大肥佬同另一個瘦佬走過來話要睇我 passport. 佢同我講左幾句俄文然後同我講"go to police room". 我地當然反抗啦，我地再用英文慢慢講要佢解釋咩原因，佢講唔到。用 chinese government 吼佢都無有怕，肥佬一手捧起我想捉我入警衛室，我地三個叫救命周邊既人都掂行掂過，最後，閘口的職員叫一個剛入閘既女乘客走過來，佢指著閘外同我地講 "exit，come in" 終於...迷底解開了，其實好簡單，我只需要攞個張卡刷多次入閘就得，搞到又要拉又要鎖。好彩企硬唔入警衛室，陣間有入無出都唔知點算！ 搞左咁大壇野，仲唔識搭地鐵？ 車資表上既意思： 1程=30盧布 2程=60盧布 5程=150盧布 如此類推，如果兩個人 share 車票就要一個 刷完卡，俾另一人個刷卡，所以張卡並唔係票務員所講俾兩個人用，而係可以搭兩次，佢地既車票形式同我地既八達㝫搭車每人每張卡只可用一次唔同。 擾釀左成半個鐘終於去到月台，雖然仍有餘悸，打從入境到搭第一次地鐵已深深感受到俄羅斯既強悍，冷傲印象。上到烈車如果你選擇唔坐要企，咁你就一定要扎行個馬扶實扶桿喇~因為俄羅斯烈車簡直係車人合一，一樣咁強悍，完全無避震兼靜音。 道門仲犀利，個度勁力勁過包公狗頭閘，有次我見到一個男乘客被夾住手臂， 車門完全唔會自動彈開 ，男人與其同行既朋友非常吃力拉返隻手出去，我係度諗，如果夾到係我，應該會斷骨！ 不過，某些車站其實好值得大家駐足欣賞，仿以去左藝術博物館，但唔係每個車站都咁靚，某些車站非常簡陃同昏暗 某一 D車站會有商店，好似我地住處附近既車站就有十間八間，都幾搞笑，好似一個個魚缸，店員同 D貨一齊困係店內，只係靠個小窗做生意，不竟莫斯科治安不佳，這樣比較保障店家。 我喜愛旅行體驗不同文化，就算去既地方唔係我杯茶，遇到既所有人同事都總有得著，可以提醒我要知足常樂同埋其他地方既文化有甚麼值得我地借鏡。莫斯科跟香港雖然有非常大既文化差異， 就算遇到可惡既大肥佬大部分不算友善， 但對於這類所有事物都感到非常新鮮同吸引。 歡迎到訪我的 Facebook: https://www.facebook.com/chalvy.choy Facebook Page(當豆豉眼遇上大頭菜): https://www.facebook.com/ycmakeup?ref=hl
