遊走霧島山! 住宿 因為今次主要目的係行山，而且之後諗住去屋久島，所以我地冇住係霧島市區入面，住係霧島山同霧島溫泉附近Hotel Lexton Kirishima，一間房9200 YEN兩個人Share，每人約$390，雖然對窮遊既朋友黎講有D貴，但已經係附近入面最平，而且性格比極高，包早餐同埋溫泉既入場XD!(如果要住係霧島市既話，應該平D，但就要晨咁早起身上山。) (機場在左下角，霧島山就在住宿上面的地方) (酒店早餐) 交通 我們從大阪飛過來，夜晚8點幾先落機。注意，因為住宿既地方非大城市所以從機場去住宿地方既尾班車係夜晚6點已經開走左T_T，我地搭的士去，共$4XX(所以Suggest大家早一日到，去浸下溫泉同休息下) Airport bus timetable(大家可自己再Google): http://kirishima.iwasakihotels.com/en/access/bus_timetable_airport.pdf 行山 推薦大家早一晚可以係Hotel拎巴士時間表(Check去程同回程時間，同埋日後再Transit既交通)同行山地圖，酒店都非常齊資料。 (呢個係山上面影既圖，我地行紅色線標示左既路線，先係大浪池登山口 落車登山-> 大浪池-> 韓國岳-> 硫磺山-> Ebino高原 搭車離開。我地兩個男同埋平時有行下山咁，大約4 Hours完成，所以少行山人士可以預大約5 Hours，計埋影下相同休息下。) (注意，在酒店拎到既地圖比呢個更清晰，有埋時間！但編者好似已經掉左...) (大浪池登山口) (大浪池，好似係日本最高既火山湖) (接近山頂，背後既霧氣影出黎有上天既感覺@_@) (好嬲，唔明點解編者影同一個位會影到咁) (終於到頂，韓國岳命名係因為呢到天朗氣清既時候睇到韓國，好明顯呢個時候乜都睇唔到) 小弟第一次見到火山，同埋置身係火山附近，而且我鍾意騰雲駕霧既感覺，所以覺得好正！推薦大家去鹿兒島可一試！ 霧島山簡介: http://tw.japan-guide.com/travel/kyushu/kirishima/hiking By 傑
