自從我對眼做左激光 唔可以再戴大眼CON了 成日要係眼上面晝晝晝先出得街 都唔好話唔煩呀 前陣子有機會比我見識到Kesalan Patharan (KP) 好尊業嘅美睫示範 KP全港首家提供專業美睫服務的化妝品牌 係真係令我大開眼界 KP真係一所認真 專業 嘅公司 點解咁講??.. 睇落去你地就會明架啦... Party準備左各式各樣小吃 真係好窩心~ 因為放工的我實在太肚餓了 所以 我吃下了 3件蛋糕~~~~~ (真係失禮.. ) 點擊圖片放大 +2 場內放左一系列皇牌產品 等埋其他Blogger到齊 Kesalan Patharan 的團隊就開始介紹美睫服務啦 KP市場部Manaer ~~ Asifa 先介紹一下KP背景 今次KP找來靚靚Irene做model 示範美睫過程 真係好開心 之前試過一次唔好嘅美睫體驗 (下一篇會細述) 其實真係好想知道個過程係點架 原來KP係根據四大原則去為人客度身設計美睫: 1) 眼晴型狀 2) 角度 3) 層次 4) 立體感 美睫過程中使用的工具及產品均由日本進口 而且美睫師經日本專業訓練 品質有一定的保證 美睫進行前除了為所有工具徹底殺菌消毒 美睫師雙手都會即場消毒 對睫毛嘅清潔更是一絲不苟 你咪以為只係求其清潔1次呀 美睫師會為我地嘅睫毛進行 3次清潔架 因為要認真確保在安全衛生的情況下進行美睫服務嘛 美睫過程立即開始: 1. 專業咨詢 美睫師服務前會先細心了解Irene想要咩效果, 務求提供最貼心的服務 2. 徹底清潔 為達至最佳效果, 美睫師會為睫毛進行3次清潔, 確保衛生 3. 貼心保護 為了紓緩Irene緊張的眼部, 美睫師會為Irene敷上保濕眼膜 (仲要係上下2片架), 加倍呵護幼嫩的眼部肌膚 係美睫嘅同時 幫我地呵護埋雙眼 ~~~ 細心到不得了呀.. (真係要一讚) 點擊圖片放大 4. 細心工序 美睫師使用專用鋏子小心翼翼地將美睫睫毛嫁接上Irene每一根的真睫毛上, 打造理想形態 你會睇到下面2片Eye Mask點解會有一D紅筆Marker位呢?? 就係美睫師為客人度身設計嘅印證啦 因為就算同一個人 2隻眼嘅睫毛設計都會有分別架 而最重要係 1根真睫毛只會嫁接上1根假睫毛 唔會整一束上去 令到本身真嘅睫毛負荷過重 過程絕對好考美睫師技巧架 5. 吹乾定型 使用冷風吹風機吹至乾透, 使美睫定型持久 點擊圖片放大 +2 6. 大公告成 纖長、濃密、美艷睫毛大公告成啦 今次Irene簡左 Natural + Doll, 係最受歡迎嘅款式 其實會係中間部份增長小小 令眼睛更圓更大 過程非常簡單 就可以打造動人美睫、自然明眸 突出個人氣質 當日有好多Blogger因為怕打8號風早走左 睇唔到Irene完成美睫嘅一刻 個效果真係好自然 如果你本身未見過佢 唔識佢 你真係唔會睇得出佢係整左美睫 但又做到好靚好長好卷曲個種效果 好似睇左一場魔術表現咁呀 (我對上一次做美睫嘅效果完全唔係咁架) 因為美睫過程要等1小時 為左我地Blogger唔會係等嘅過程無野做 所以特別安掛左一個彩妝示範 由KP的專業化妝師Luisai為Dai Dai 化一個可愛妝 而當中我最欣賞就係下面的遮瑕膏 真係名乎其實 Just as Magic 遮瑕膏用上了中藥成分 除左可以遮瑕 仲可以改善血液循環 預防痘痘 只要用一粒豆嘅份量 先用上橙色 遮在細紋及黑眼圈位置 再用黃色推到令紋同眼圈變得不明顯 或者 可以將兩者混合 改善膚色又得 仲有呀.. 橙色的 仲可以做埋胭脂 真係一物多用 上面的蜜粉 用起來都好貼面 而且好似絲咁滑 薄薄透透的 我用左上面2種產品之後 個樣醒晨晒呀
