大家用既韓國品牌多數係Amore Pacific集團旗下，每個品牌都有其獨特之處。最近喺銅鑼灣東角商埸開咗間Hope Girl，起初其實喺韓國早已見過呢個牌子，喺韓國買過支豹紋睫毛膏，真係好捲又持久。因為包裝特別，所以一見到即刻入去睇。

一入舖見到一大塊黑色既板，上面全部放好曬所有彩妝品，已經覺得好吸引。
售貨員個姐姐好好服務態度，介紹左幾樣產品，價錢都好實惠，所以買左幾樣皇牌產品。

1. 魔法妝前打底霜 $200
真係非常好既介紹，喺化妝前一個步驟用佢，佢既質地滑到仲滑過嬰兒! 非常乾爽，仲可以上埋眼皮預防油眼、溶妝問題，最緊要係毛孔同細紋理無晒，唔會kick粉。開頭有d擔心會阻塞毛孔，但好在佢冇夕膠成份。而且中意佢冇防曬，因為平時用既BB霜同粉底有好高防曬系數，所以唔怕雙重防曬傷皮膚。之後先發現原來台灣女星李妍瑾一直都用佢上妝出show

www.facebook.com/hopegirlhk

2. 7色流星呍呢嗱姻脂 $200
一見到佢令我諗起Guerlain人手造既波波姻脂，好靚。但怕波波姻脂夠人手上掃攪色會唔圴勻。呢隻 7色流星呍呢嗱姻脂色好靚，仲聞到好淡香既玫瑰味。一上面度，成個腀廓即時提升，好幼細既珠光粉仲可以收飾毛孔，d皮膚看似好靚咁。只要掃2下就可以，唔怕顏色太勁又要再抹過。

3. 美白黑參秀洗面膏 $230
韓國高麗參咁補，雪花秀同后都用參，但原來Hope Girl呢隻係用50日將人參蒸9次曬9次先提煉到至黑參，只要喺掌心擠少於一毫子大小既份量已經足夠起少少泡洗面洗得好乾淨，最重要係可以落妝。其它市面上既普通白參好大味，但呢隻冇乜香料成份幾健康。冬天洗完面30分鍾內唔用面霜都頂得順。

有時大牌子好大成本係宣傳，我就係中意以質量包裝實恵取勝既牌子。

成功發佈