好多人都認識 Clinique 的3 Steps，每次經過Clinique，我總看見人正在買3 Steps的其中一寶，Clinique既3 Steps非常有名，有名的地步連國內既人都要為佢地改D花名，例如黃油，水磨砂等，話雖然如此，但有幾多人真真正正識用3 Steps同用得岩呢?不如就等我由頭為大家介紹過3 Steps啦~ 我 相信有買過3 Steps既人，都知店員係會叫客人3支一齊買(除非你係REFIL)，但大家知唔知點解要3個steps一齊買呢? 原因好簡單，因為每一個Step只有單一功能，如只用是旦一樣，就會等平日護程序只用爽膚水，或只清潔，又或者只用cream?咁你覺得得唔得呢?唔得， 咁咪就係LOR，所以3 Steps要一齊用。第一步－清潔肌膚，第二步－清理皮層及第三步－滋潤及強化，甘先完成一個基本既護膚程序。而我今次想show俾大家睇我用左3個星 期，只係用左甘少少就可改善皮膚，抵唔抵，你地都見到啦~ 第一Step，係好多人都忽略，或會唔揀用佢既Liquid Facial Soap 洗面液，原因係試過之後，覺得好少泡，所以以為洗得唔乾淨，但其實太多泡既洗面液含好多化學劑，所以先可以起到甘多泡，什至連皮膚既水分都洗走埋，所以令皮膚洗完之後變得崩緊，而Liquid Facial Soap 洗面液，係一個溫和的潔淨，低泡溫和配方，唔會刺激肌膚，減少對皮膚既傷害。但同時蘊含可以有效徹底潔淨，帶走油脂、污垢及污染物等，並唔留殘餘物，因而避免出現因殘餘物引致既毛孔堵塞。 佢唧出黎既Gel係好似水一樣，而起到既泡泡唔會有綿密既效果。但洗完真係好乾淨，同埋最重要係仲feel到自己塊面仲好水潤，而唔係乾爭爭~ 清走面上既油脂之後，就到Step 2，要去除面上既老角質同死皮喇，咩係老角質?睇下以下既相片就知，隨便用一條膠紙係皮膚上貼一下，之後再撕出黎見到膠紙上白朦朦既個d就係老角質同死皮，如果平日無清潔開既，會見到更白架~ 所以我地就要每日清理皮層，而 CLINIQUE Clarifying Lotion就係一款溫和潔膚水，可以有效清理老化死皮細胞同污染微粒。 用法都需要留意，呢一支唔係普通既爽膚水，佢作用唔係保濕，所以唔好就甘倒係手上拍打皮膚，係需要一個棉花球， 首先係棉花球上倒一下，不用多，太多抹唔到。之後除眼咀位置，每一個地方輕抹一下，千其唔好重覆抹，甘就可以溶解死皮並隨即帶走。 初次抹既棉花球係好花好灰，但抹多幾日之後，就會見到淡黃，就証明皮膚既老化角質得到改善喇~ 最 後一步就係滋潤及強化，而呢一款亦都係廣為人知既Dramatically Different Moisturizing Lotion+(黃油)，點解甘多人知，因為佢係皮膚醫生既配方，但都唔亂用架，要用左以上2個Steps，呢一支黃油先可以發輝到佢既功效架~佢可以為 肌膚補濕，帶來滋潤感，維持肌膚水油平衡，發揮肌底液作用，為肌膚打好底子，就好似打通肌底吸收隧道，令之後搽既野更吸收。 Dramatically Different Moisturizing Lotion+另有一款Gel，有D人覺得Gel好用d，但個人覺得Lotion+係最好，最滋潤，佢質地又唔係真係油甘樣，係厚身少少既乳液，全面用只需要1泵，太多就會覺得好笠，而輕按2下，皮膚就完全吸收晒，之後搽既野亦都好快吸收，唔會好笠。如果有sis之後既精華有十支，再要搽CREAM既，呢支黃油絕對係你既最大功臣。 (右圖係搽完黃油，你地都唔覺得油光滿面啦~) 嗱，而家真真正正認識左3 Steps後，再無籍口話用D唔同D或唔識用啦~爭邊個STEPS既SIS們，快d去補返 爭個支喇~ 好喇我既分享到呢度，希望大家鐘意啦~ 以上產品由品牌提供試用
