上個星期好開心可以出席NUK媽媽教室，以往上課地點都係NUK既office，但今次竟然移施去左sogo 12樓既 cafe，今次CarTungBaBy專誠早d到，想霸返個靚位嘛，睇得坐得甘前就知啦！記住喇，想要個好位，一定一定要早d到呀~ 去到會場，當然第一時間要報到啦，報到後會收到筆記，筆同問卷等，大家唔需要急住填寫，因為好多都係問有關課堂既一d了解同改善意見，上完堂之後慢慢填都未遲。今次除左地點改左之外，禮品亦都好豐富，想知有咩？賣下關子先，睇到文章最後就會知架喇！ 開始上堂喇，首先會有NUK既職員介紹少少NUK既背景，係度都講少少啦！NUK 係 1956 年創辦 , 由德國牙醫學博士 Mueller 和醫學博士 Balters 。 NUK 全線奶樽 , 奶嘴同安撫奶嘴都係德國生產 , 同時都通過歐盟同德國既質量標準測試 。 NUK 多年來既理念都係令奶瓶餵哺盡可能地接近母乳餵哺 。 之後就由客席講師Victor為我地講解今次既主題，今次既主題係BB心理發展知多D，可能我自己真係唔講都唔知，我BB只係得5個月，但原來就已經開始留意父母既舉動，潛移默化會有少少知道父母既動作代表咩同埋佢地既諗法，唔好睇BB年紀小小，其實佢已經係學習緊自己，所以父母就需要裝備好自己，為小朋友做一個好榜樣。 NUK仲為各位媽媽準備左野食，好貼心啊！ 好多人應該以為教育BB係產後先開始，其實錯，懷孕其間，其實就應該好好教育BB，包括佢既情緒。有研究指出懷孕時食既、聽既、自己既情況都係直接影響 BB，而我自己都真係好有影響，我記得我懷孕既時期係好開心，成日都笑。所以我BB而家係成日無時無該都笑笑口！而生左之後，媽媽係會情緒低落既，知道坐 月係好辛苦既，但作為老公既，請多多體諒一下自己既老婆，佢地既情緒因為荷爾蒙影響，過1至2個月，呢個問題就會慢慢消失架喇！ 到BB出左世之後，因為離開左母體，所以BB無時無刻都會為自己建立安全感，所以好多人話BB喊唔好成日抱佢，其實唔係架，要抱佢俾多D愛佢，如果唔係對佢未來心理發展會有影響。 而安撫奶咀都係一個安全感建立既方法。不過又會有人話，下唔好成日食奶咀WOR，無錯，我唔係話無時無刻都俾個奶咀佢食，係當佢有需要，例如扭眼訓、病、驚到係甘喊....等等，以上既情況都可以舒緩BB既情緒架！ 唔知大家有無俾BB成日摸野聞野呢？我本身係一個有潔癖既人，但我自己都會俾自己BB咩都摸一餐，例如出街都會摸下枱凳，食物等，係屋企亦都要佢經常摸下自己D手腳同五官，原因係想佢五官都得到平衡發展。其實怕污糟都只係驚佢手仔摸完放入口姐，勤D幫佢抹手咪得LOR！ 情緒發展，其實好多時父母突然話：「唔得架，NO呀！」呢D都係令小朋友會驚左個件事，同埋會有D嚇親。即好似有D人成日要小朋友呢樣唔掂得個樣唔掂得，甘 咪會令個小朋友覺得樣樣野都係好污糟，唔敢去掂任何野。其實有時唔需要太緊張，適當既空間俾小朋友去探索，對佢係好事啊！ 自理性，即係自己可以有紀律做到既事，包括自己執玩具，自己上廁所。其實我聽左講師講呢個TOPIC，總括黎講就係溫柔地堅持，咩意思，溫柔就係唔用鬧同打既形式，佢做錯既就叫佢諗方法去解決事情，堅持就係要有適當既罰，例如講大話，但罰既程度係小朋友可以接受到，所以一句講晒就係耐性、耐性同耐性。 媽媽教室仲有個朋友推薦計劃，為讓更多家長了解 BB 既心理發展。成功推薦朋友參加 <NUK 媽媽教室 >, 將可獲紀念品 1 份。 參加細則 : 請閣下的朋友於登記< NUK 媽媽教室 >後提供付款收據 , 同時提供閣下姓名以及電話號碼 , 我們將於 5 個工作天內 寄出紀念品給閣下以示謝意。 最後揭曉禮物，有NUK既BB沖涼禮盒，亦都有好多其他既小禮品！ 是次活動由NUK邀請
