上次講到CarTungBaBy參加左NUXE既 Blogger EVENT，經過個幾星期既試用，CarTungBaBy既皮膚有明顯既改善，除左皮膚之外，身心都真係放鬆左好多~一齊睇下我既試用報告啦~

雖然大家見到上圖有好多野，但我主力試用既係呢支全新牡丹睡蓮活膚褪紋輕盈乳液NEW Nirvanesque® Light，適合混合性敏感肌膚。蘊含88.7% 天然成份。

清爽既乳液質地加上納米拉(Lamellar) 結構，即時發揮保濕作用，肌膚清爽富彈性，內含米粉末同恩南番荔枝成份，有效吸走過多油脂分泌，平衡水油比例，保持肌膚啞緻粉嫩，而且不含Paraben防腐劑，不會堵塞毛孔。

一撕開錫紙，就聞到陣陣既花香味，而且質地好薄，有少少似gel，除左正常地用係面上，我亦有時會唧少少係手上，之後係掌心搓熱，再將手掌蓋住鼻子，聞下，亦有舒緩既作用。

用前(左圖)，我既皮膚係比較乾，T字位易出油，而且毛孔係明顯見到係有D污糟。用後(右圖)，皮膚係油脂平衡左好多，皮膚除左得到滋潤，毛孔亦都乾淨左，皮膚都變得白淨左好多呀~

以上試用由sasa提供產品