星期日join左個一日團，同daddy去玩下，其中第一站就係迪欣湖，迪欣湖真係好靚 唔知大家有冇來過呢，雖然之前我都來過好幾次，但每次來到都要影唔停，因為有我愛嘅藍白歐式建築，仲同我當日outfit好襯 好鐘意呢面藍色嘅牆，顏色好夢幻 一入到去就會見到好大個人工湖，仲有各式樹木植物同草地， 到處都十分整潔，來散步都行得很舒適， 行行下仲見到d好迷你嘅青蛙，只有一塊指甲咁大， 聽途人講係香港獨有嘅盧氏小樹蛙呢，唔知係咪呢？ 可惜佢地太細隻同跳得好快，遺憾冇影到相， 佢地真係非常細少，仲跳到散步徑，真怕佢地被人一不留意就踩死呀 途人話呢個植物叫天堂烏，都幾貼切 行到入d仲有個植物園，有一大棵美人樹，滿開時成棵粉紅色，好比櫻花樹般美， 我前年都來睇過，真係好靚，不過係冬天 11月/12月先開花，今次就見唔到啦。 不過其實係入口附近有幾棵黃花風鈴本，影相都幾靚架，不過已有點凋謝了 大家亦都可以係草地上野餐，我都來過野餐幾次， 氣氛環境都好好，好有外國feel，建議大家買定野食入來， 雖然入面都有間7仔，應該仲係香港最靚嘅7仔？同一般7仔嘅設計好唔同， 佢係以藍白歐式設計的，超級靚，應該係我見過最靚嘅7仔，不過價錢亦比出面貴 另外大家要注意草地比較多蚊，記住一定要噴蚊怕水呀 迪欣湖入面仲有腳踏船和有雙人及四人單車出租服務，大家有興趣可以玩下， 收費:單車(100/2人, 120/4人)腳踏車(120/2人,150/4人)但我就冇玩過啦，因為通常都係來野餐 另外都有好多人來影結婚相，畢業相，生活照等，有山有湖，果然係個影相打卡好地方 開放時間:每日上午9:00至晚上7:00 地址:香港新界大嶼山竹篙灣 迪欣湖活動中心 迪欣湖開放時間:每天9am-7pm，免費開放 腳踏船及腳踏遊覽車出租服務：每天10:00am-5:00pm提供 7-11開放時間:每天9:30am-6:45pm 交通資訊: 迪欣湖交通 1. 可乘MTR廸士尼線到香港迪士尼樂園度假區交通交匯處或乘巴士到逹青嶼收費廣場，再轉乘R8遁環線。 2.由迪士尼站步行15mins 去，我次次都係咁行過去，因為廢事等車，其實都唔係太遠，而且沿途景色也都好靚， 唔多人行，所以好好欣賞下風景又能省下車費 ❤️❤️❤️謝謝大家觀看❤️❤️❤️ 看更多我生活點滴和分享，可like 同follow我instagram同Facebook page IG: https://www.instagram.com/caroljai26/ FB page: https://www.facebook.com/carolcaroljai/ 歡迎邀稿❤️合作試用❤️出席活動 Contact me: Email:carolcaroljai@gmail.com
