機場LE GRAND POKKA CAFÉ 高品質平民價 上個月去左探係機場返工既朋友，係機場內既LE GRAND POKKA CAFÉ食左一餐高質數而價錢只係平民價，真係又美味又抵食~ 大家都知POKKA CAFÉ 價錢話平唔平話貴又唔係好貴，今日如果冇員工價一個二人餐要$328，而員工價就只係$188，差唔到平一半~ 先來餐湯及餐包，我覺得個湯太多渣不夠幼滑~ 沙律菜同三文魚都好新鮮，沙律醋酸甜適中~ 主菜我選左炸雞意大利飯同牛扒~ 牛扒有二大塊，每塊都大過手掌，食一塊我已經好飽，而且肉質鮮嫩有牛味，真係好正~ 雖然好飽我都試左少少炸雞意大利飯，炸雞唔會炸到乾爭爭，雞肉仲有好多汁，而意大利飯軟硬適中，醬汁豐富又不會太漏，調較得岩岩好~ 份量十足，我地咁大食都食唔哂，之後有有餐茶同甜品~ 為食既我，雖然好飽都忍唔住叫左一份我既最愛POKKA自家製絕味咖啡CAKE，百食不厭，為呢餐咁美味既晚飯，劃上完美既句號。 後記 : 由於食過返尋味，上星期再去食時已經加左廿蚊價，而且牛扒少一塊，不過食物水準不變，價錢相對都比出面既POKKA CAFE 平，所以我仍然會再黎幫襯~~~~
