天氣熱，唔止無咩胃口食野，連入廚房煮飯都懶。所以最近多整了韓式小菜，煮好左就放係雪櫃，方便幾時肚餓就可拎出黎食。其中一款我同老公都好鍾意，就係醃青瓜。酸酸辣辣的青瓜片，唔止用來餸飯好正，用黎送下啤酒都唔錯。材料:韓國青瓜 2條洋蔥 1/2個粗鹽 2~3湯匙魚露 1湯匙韓國辣椒醬 1湯匙醋 2湯匙白糖 4湯匙芝麻油 2湯匙 芝麻 隨意做法:1 先將青瓜切片，然後以粗鹽攪拌，待3 0分鐘後再過水洗淨。2 將洋蔥切絲，備用。3 青瓜徹底洗淨後，再用廚房紙印乾水份，便可放入較大的碗內，開始加入調味。包括: 魚露，辣椒醬，醋，白糖。如果想增添辣味，也可額外加入韓國辣椒粉。4 最後放入洋蔥，芝麻油和芝麻，再攪拌一下.5 調好味後，便可放入密實盒內，完成。每次我做好一大盒後，便放於雪櫃儲存，每做1次，大約吃3天左右。幾乎每餐都會吃1小碟，不只美味，更可方便補充平時攝取蔬菜的不足。
