今次分享既CAFE,係之前關西遊去過既其中一間餐廳.
caffe solare tsumugi, 係天王寺同梅田都有分店,好方便行街精去歇歇腳.

餐廳出面既display好精緻,見到已經流口水.

今次我去既分店,位於天王寺近鐵百貨內,可能是平日關係,沒有太多人,不需排隊等位.

打開餐牌,最吸睛就是意粉,所以我和老公都點了意粉.本來想留肚到HARBS食件蛋糕,不過見到餐牌有綠茶蛋糕,就完全忘記左HARBS,哈哈~

意粉可以單點,都可以跟餐.我選了套餐,就包埋飲品同蛋糕.

我點了明太子意粉,好鮮味,醬汁質地剛好,不會太杰和太鹹.而且意粉質地好彈牙,係香港未食過咁好味既意粉!

另外仲有凍綠茶同綠茶蛋糕.
凍綠茶正正常常,無咩特別.
至於綠茶蛋糕,食完一件即刻想encore!食得出好新鮮,蛋糕軟綿綿,又重綠茶味.每吃一口都有綠茶cream,加上紅豆蓉作點綴,可中和綠茶的青澀.食完後才知道蛋糕是堂島ロール出品,不過香港好似無綠茶味賣,大家要試可能要去日本先食到喇!

至於老公就點左蟹肉意粉.味道比較重,屬惹味一類.除左有少少蟹肉外,有加入其他海鮮,配料比我點的明太子意粉多,味道同樣出色.在這裡不論是鹹食或甜點,都很有水準,下次再來值得再幫襯!