今次由戶外風成員Annie帶大家走出香港，來到戶外好地頭「沖繩」，與大家發掘出與別不同的旅行體會。 平時露營就營得多，但你地又有冇諗過試下去香港以外既地方露營呢？感覺又會係點呢？想試試與別不同就當然要踏出第一步，而且仲要掌握好當地資訊，今次小編身先事卒，帶大家嚟一次探路先。 其實小編都好鍾意去旅行既，不過去旅行又露營又真係第一次，坦白講，一開始都覺得好麻煩，但能夠試一試特別的體驗，小小苦都沒辦法，更何況這邊的環境真係要親身訓下草地先感受得到！ 事不延遲，而家就帶大家了解一下啦！ 沖繩介紹。 沖繩是日本最南端的一個小島，風景怡人，首府位於南面的那霸市，天氣較溫暖，為熱帶海洋性氣候，沖繩出名多島嶼，共有151個島，但好多島你都唔會去到，而部分既島都有橋過去，好方便嫁！ 可能你會覺得沖繩好悶，某程度上，小編都真係覺得有DD悶既，所以就諗下新意思，去試吓露營了！ 有乜好過自駕遊？ 今次嚟到沖繩就當然要自駕一下，加上同行女友人手車好得，所以我都好放心，其實呢，沖繩D車行得都好慢，大約50公里左右，最高速既公路都係得80公里，對於享受速度既你可能就唔太適合了，但對於喜歡慢活的你就一定係個好地方，沿著海邊的公路上，看著那片海真的是不得之了，而且自駕的一個好處是去到邊停到邊，食肆，商場，景點和手信店等等都有足夠停車位供應。 小編出發前就BOOK左最抵既租車公司OTS，BOOK了5天（頭尾是4 x 24 hrs）連wifi蛋，埋單係16000yen！而且係唔需要比定訂。 到達沖繩機場之後，就有OTS既職員於大堂，你行埋去點名，安排上穿梭BUS到OTS分店。去到之後就可以安排登記手續，比錢，仲可以用優惠價買埋景點門票。 之後我地就去取車，原本訂了最平的S級車，最後因為架車個GPS有D問題，就換左架混能車比我地，好好彩！ 我講咁多關於自駕既野你聽，並唔係想離題，而係想同你講，要去露營，自駕真係好重要，首先露營裝備都幾大件，放車就好fit啦，另外地點都係唔會有巴士or鐵路能到達，的士就當然天文數字，當然大前題係你要有車牌。 ots網站：http://www.otsinternational.jp/otsrentacar/cn/okinawa/ 選營地。 其實選營地真係一件幾頭痕既事，因為都有十多個選擇，但最後到plan行程時是發覺沒有辦法每天露營，由於地點及門禁問題，我們在同一個營地留了兩晚，是較受本地人歡迎的屋我地島營地。 屋我地島位於中北部地區 我們第一天取車後就直接到屋我地島營地，GPS帶領下，由機場到達大約1.5至2小時，到達後與營地負責人溝通登記及付款（真的很難溝通），負責人話成個營地任我地選地方紥，至於泊車係要另外收費，而出面就有一個公共停車場，因為車閘有門禁，9點之後就關上，所以我地冇泊車，但短暫停留是可以的。 題外話，可能你會諗點解要搵一個要收費既營地？其實日本好多營地都係自家經營，有管理員，而隨處露營（例如沙灘和山上）不但只危險，而且分分鐘違法佔用公共地方，另外，收費營地亦有洗手間和浴室提供 營地資訊。 有關營地的收費 入場費：600yen 紥營費：1500yen 洗澡：300yen 營地入口與車閘，車閘晚上8時會關，但職員說他9時收工，如果9時前回來，他也會幫你開閘的。 營地的辦公室 辦公室入面，比較有歷史味道 有一些沙灘用品販賣，但建議自己帶返比較好 營地提供獨木舟租用 如果覺得露營麻煩的話，可以試下宿營！個VIEW都唔錯，洗手間就在這地下。另外有3間獨立宿營房子 左邊的那玻璃門就是洗澡的地方，右邊是更衣室，不要誤會了它是洗手間。 營地辦公室旁亦有汽水機提供 營地有乜景？ 營地有一個沙灘，有好多樹仔，而沙灘對開係一個小小的離島，潮退時係可以就咁行過去既，都幾有趣呀，而夜晚既時候，望一望個天，好多星星，好靚嫁。 我地營旁有一個已經封左既洗手間，但旁邊既水喉都用得到 附近都是一片綠油油 有一條長長的沙灘 營內有不少大樹，想來個野餐也不錯 對彼的小離島，真的很小 我地紥既地方附近都有樹，可以挷條繩然後掛衫。 Facebook Fan Page: CAMP STYLE 戶外風 Instagram: CAMPSTYLEHK 下集預告，OKINAWA有乜玩？ 如果大家有咩問題，都可以在戶外風留言問我地，想行程輕鬆又簡單，就當然要做足一切準備！
