https://youtu.be/Q3Qm79VuAw8 日本沖繩之旅要轉地方了，我哋要係一天內由石垣小濱島去那霸阿嘉島。早上7點30由小濱島民宿出發，民宿接送>船>巴士>飛機>巴士>船>民宿接送。下午5點半到達阿嘉民宿！ 海島上民宿管理者或主人家在你入住後會問定住客離開海島的航船時間，會安排車輛送你到碼頭。準時早上7點，我哋既民宿管理員已經泊左車係門口等我哋，五分鐘就到達小濱島碼頭。我們搭頭班船離開小濱島，在早上陽光照射下的海洋顏色非常美麗。 到了石垣港，就尋找去機場的巴士站。本來以為要搭普通石垣巴士去，即係要停站既巴士。後來發現原來有班直通去機場的接駁巴士，車費仲要平些少。二話不說跳上車，可能因為時間太早的關係，無其他乘客就開車。1000日圓兩個人就包車，可以係車廂內不斷換位影相，爽到爆炸。 機票我哋係Skyscanner book，石垣去那霸大約700蚊港紙一個，飛航時間時間大約45分鐘。 到達機場後乘坐99號巴士，大約15分鐘就到達那霸港，那霸港的巴士站站名叫高泊橋。 去阿嘉島的渡輪係依家哩期Hot season每日有4班，其中一班係慢船，只在早上十點啟航，價錢較平。另外3班係快船，出船時間分別是9點，下午1點和6點。淡季時會少D船。我哋搭4點果班船，仲有幾個鐘想搵餐廳。原來係碼頭方圓15分鐘路程既地方係好少食堂or餐廳，可能果日係星期日，就算有都無開門。所以非常建議各位旅友來到那霸碼頭想搵野食，唔使周圍兜，係碼頭2樓間食堂就得啦。 去阿嘉島快船航行時間約45分鐘，先到座間味島停一停，再去阿嘉。船上都會有露天觀景地方，在果片海域既景觀非常不得了。 座間味和阿嘉距離好近，幾分鐘就到。落船後已經見到民宿老闆係碼頭迎接我哋，5分鐘車程到達今日既目的地，春海民宿。 有任何關於石垣島或沖繩慶良間群島旅遊問題隨時歡迎留言和inbox Our Facebook page:讓旅遊慢一點
