經濟日報昨日發生關公事件，將「Canon EOS 80D」寫錯成「Nikon EOS 80D」，由於是報紙，一印一出街，就米已成炊，發現後，經濟日報的網上版本已立即更正及發出更正啟事。事件發酵，就成了一件是日熱鬧的抽水趣事，不論Nikon還是Canon，都在互相抽水，大收免費又有效的二次宣傳效果，實在是錯有錯著，預想不到，由一件誤事變成好事，你話，今時今日網絡世界，關公是幾咁重要！ 有業內人士認為：「呢個的確係大錯，但亦只有前線嘅人，先知發生咩事。而家好多傳媒嘅管理層都好x街，唔肯請人，淨係識指手劃腳，最後網又好，紙又好，編又好，影又好，乜叉都係前線記者一條友做晒。一個人打四份工，唔出錯就奇。記者都係人，都會攰。」Source: http://photo.popart.hk/newweb/archives/35676 今時今日，只要你是打工仔，聽到有人罵高層，說這些「政治正確」的話，你除了叫爽，認同之外，難道會站在客觀那邊，被人扣上左膠的帽子？ 客觀咁睇： 身處新媒體時代，對一專多能的人材是特別渴求的，如上面而言，點解今日做記者，要周身刀，乜都做先？這是網絡時代的現實需要，快是基本的，仲要有「既靚又正」這兩個原素，唔係點同人競爭？今時今日的媒體公司，除了傳統的對手，仲有潜伏在網海上，神出鬼沒的異軍在出其不意地步步進擊。 快靚正呢D野，如果請多一打半打人就可以解決，D腦細晨早做左啦，錢可以解決的問題就不是問題，呢D成本野，D腦細手指都無需伸出，心算都計到。 這是一個無心之失（除非唔係），特別是在印刷媒體這一行。 既然事件已發生，總得有人走出來負責一下吧？ 炒左個出錯的員工？痴L線！如果一次出錯，可以換來日後的小心和改進，這對員工和公司而言都是有價值的；出錯並不可怕，可怕的是失去吸取教訓的機會，然後繼續接二連三咁錯。 呢個時候，當然是大人物出場的時候，作為一名稱職負責的上司，當然要挺胸站出來，振臂一呼，為下屬擋風雨；所謂閒時所有榮耀功勞盡歸上司，那關鍵時刻為下屬擋點風雨，也是職責所在！何況這是相對的，如果唔係？下屬又點為你盡心盡力博殺？ 想當年，在某印刷公司做in-house Graphic Designer時，壓力非常大，特別轉出稿件去印刷時，因為一開動印刷機就是成本，就是錢，一出錯就大事，而出錯的機會又非常高；試過有做設計的同事打錯粒字，作為對稿的主管又A字膊，仲對個設計師問責，最後搞到個設計師閃電辭職。 在瞬息萬變的網絡時代，這點錯誤老是常出現，關公亦巧忙忙，其實就好小事，今日就讓它大放異彩，俾人食下花生，抽下水，皆大歡喜，正面咁睇，仲係免費而有奇效的宣傳添！ 今日事今日了，都唔好L得閒去記住，明天仲有好多精彩嘅事，急不及待排隊等著發生，唔該借過，88~
