今次有幸參與親子王國同Pampers合辦嘅DIY手印相架工作坊，除咗同細佬做咗個好靚嘅手印相架，仲有機會試用尚未响香港正式登場嘅Pampers 日本製Ichiban尿片!

新尿片轉用了我大愛嘅tiffany blue色，收到時已覺得包裝悅目，感覺好elegant !

打開裏面，總共有五款圖案。其中三款係可愛嘅白熊，狐狸同小鹿，有森林同樹葉做背景，個人覺得好有北歐feel啊。跟以往一樣尿片都有1、2、3黏貼指示，幫助新手爸媽將尿片對稱地貼好，彈性腰圍又包得特別貼，減少滲漏情況出現！

當然外表都係其次，而家就講下佢嘅手感、剪裁、吸濕力同透氣度。

新嘅尿片摸上去好柔軟，比起Pampers特級棉柔手感仲好，唔怕經常磨擦BB幼嫩嘅肌膚! 而且尿片異常地輕薄，帶出街就更加方便慳位。

細佬仔嘅大脾好肥，試過著同一個size唔同品牌嘅尿片，有啲會箍到脾位好紅同有明顯橡筋痕。中間比較窄，前後位置較闊嘅尿片就更加啱呢啲肥BB，著起黎更加舒適。我之前都有研究過，已經選用緊呢方面最出色嘅尿片。急不及待用尺度一度，Ichban S碼最窄嘅位置係10cm，而最闊嘅位置大約有12.5cm ，比佢用開嘅品牌尿片仲好少少，贊!

細佬皮膚的確比較敏感，試用片片前脾位好紅（因為用咗一隻不常用嘅尿片)，改用Ichiban一兩日後有明顯改善喎

至於吸濕力，之前睇過Pampers嘅實驗,佢可以好快吸走一杯水㗎! 實戰呢？真係唔錯，細佬係全人奶B，便便一向都好稀又多。用Ichiban就算懶媽半夜冇幫BB換片，早上都冇試過漏尿爆片啊!

Ichiban 尿片仲幾透氣，換片時摸落BB pat pat好乾爽，之前有紅疹嘅位置都有改善。

著住Ichiban好滿意嘅happy baby。我鍾意啊！

@PampersBBClub

#PampersBBClub

#親子王國xPampers分享有禮

成功發佈