其實一直好怕食薑餅人，因為太多spices味，有時都幾辣。但Ginger nuts我又OK。Ginger nuts是英國十大受歡迎的餅乾之一。之前我整咗個Hobnobs(https://www.facebook.com/BritishHousewife/posts/1590830437894690)，今次又整Ginger Nuts，好似同麥維他有仇咁！其實呢D餅又唔係只有麥維他出，其他牌子都有，只係麥維他常見D。講到尾，未有工廠之前呢D餅咪又係屋企裡面的媽媽、婆婆、嫲嫲親手造！ 今日我呢個食譜，同麥維他個味差不多，但就冇咁硬，是外脆心煙韌的，而主要味道來源是golden syrup同薑粉。呢個味小朋友食都唔辣。如想辣可加到1湯匙薑粉。今次我亦係用咗Silpat鋪焗盤，因為個食譜可整成4打有多，如用焗爐紙一定要換紙。但用silpat就一攤涼就可再用，直到焗完哂幾轉先要洗，非常方便。 材料：麵粉 380g梳打粉 2茶匙薑粉 1茶匙牛油 110g (室溫)砂糖 220g蛋 1隻 (室溫)Golden syrup 180適量砂糖用來鋪面做法：1. 預熱焗爐175。C，在焗盤上鋪Silpat或焗爐紙。2. 麵粉、梳打粉、薑粉一同過篩，備用。3. 牛油及糖一同打發至幼滑及變淺色，加入蛋及Golden syrup打至均勻。再加入2用低速打至剛成糰沒粉粒。4. 放砂糖在小碟上。 用手取出適量麵糰搓成湯丸大小，再滾上砂糖。放在焗盤上，每糰相隔約兩吋距離。如不想一次焗完，可將餘下的麵糰整成長方體或圓柱體，用保鮮紙包住放入冰格，焗時才一片片的切出來焗。5. 入爐焗12-13分鐘，取出整盤放涼15至20分鐘才好將餅轉移至網架上完全放涼，放進密實盒保存。
