NO 2 ** 今次就想同大家分享下6月時候我係京都搭sleeping bus 去廣島既經歷既 係京都/大阪去廣島其實有兩種方法 1) JR 2) Sleeping Bus 當然, 時間係要用金錢買的, JR貴但快. Around JPY10000, 2.5 hrs 就到 Sleeping bus 平但慢. 兩個人加埋都係JPY7520 JR公司都有sleeping bus , 不過就貴過willer express, 去廣島的時間都冇咁好, 所以我就揀左Willer Express 出発時間： 京都駅八条口G2 22:40 到着時間： 広島八丁堀 06:15 22:40係京都站上車, 唔洗驚因為搭車阻住左行街食野既時間 上車就訓覺就岩嫁啦 **京都G2上車位 有D難搵, 要留意番係係京都站最後面的位搭(市內巴士的另一邊), 大家要留多10mins行去呀! 落車就可以番酒店放低左行李先, 跟住就可以出去食早餐 **廣島落車位有三個 (廣島大學, 八丁堀, 廣島車站) 大家可以睇下邊個位近你地酒店而落車. 要預約係好簡單方便, 官網仲有中文版 :-D 1） 登記會員 (可略過) --> 加入會員係for儲積分 100JPY = 1 pt 1pt = 1JPY to use 2） 網上預訂 --> http://willerexpress.com/tw/?mid=263 3） 預約確認書 --> 上網預訂成功時會收到一封email, 列印拎去日本上車就得 4） 出發確認 -->出發當天會再收一封email, 今次就會有埋車號/座位號碼 **上車既時候司機有講左一句日文, 見我地聽唔明先對我地名, 原來佢係問我地坐咩位, 你地到時可以prepare定自己座位號碼 提醒大家, 車上冇水提供, 可以買定D飲料零食上車, 司機都會係特定時間停車比大家去洗手間. 中間有停幾站大阪上客, 夜晚晚望唔到出面, 大家可以上官網check 大家上車時都好靜嫁啦, 唔會嘈到人 下面就講下車上的設備 感動事: 車上面每個位都有一個插頭!! 傷心事: 事前唔知道…將插頭放左落gip……….. D位可以放到接近180度, 訓落去好舒服, 有個頭罩拉落黎 不過坐咁耐隻腳會有D麻痺 係車淨係影左喱張...見到個頭罩 希望篇野會幫到大家, 因為日本trip前我都搵左好多blog, 好少有講sleeping bus的資料 :oops:
