好多人問點解揀新西蘭, 總括以下原因: 1. 英文 我只考慮英語國,未敢挑戰非英語國沒有考慮過美國因為治安差, 英國生活太貴我怕負擔不起, 澳洲有諗過但太多人去, 加拿大我都喜歡但可能都負擔不起,新西蘭應該是最低入場費。因此在金錢大前提下新西蘭成為首選。 2. 治安 安全係我最最最關心的。話晒一個女仔外地生活,有咩事都唔好, 一定安全至上。 相比下英美治安是較差, 又驚恐襲, 我怕怕 (勁細膽) 。聽過朋友講佢朋友在英國 Underground 俾人搶野,其實我都有擔心過同樣事情如果發生在自己身上會點, 可能只識好驚同喊,唔想諗,touch wood 無事! 之前去英國都俾人拉開左手袋拉鏈,好在無唔見野。So far 我覺得新西蘭治安算不錯(相對於其他大城市), 起碼張部電話成日亂咁放枱枱櫈櫈都無爬手。有人唔見左銀包,乘車証都可認領回來,不錯不錯。最多都係有d醉客在街上遛達,可接受。 3. 環境 資料搜集時發現新西蘭是個新興國家, 有像未被開發的自然景緻, 羊多過人。 既然出國, 當然要感受一些和香港不一樣的東西, 逃避一下人來人往的城市! 況且我也喜歡自然景色! 點解去到外國邊度都舒服過香港…好悲哀但我的確如此覺得。可能都係土地問題吧,一個小小香港要接收多多中國人, 地方細人又多, 想吸一口新鮮空氣都不容易, 但政策問題無辦法。尖咀旺角銅鑼灣我都已經可免則免, 也只是趁週末加天氣好的時候去一下郊區。現在雖則我身處於大城市市中心, 但空氣都好好, 有不少綠化區和公園。最好既係周圍都幾乾淨, 街邊買完野食隨便坐低都無問題, 一係去坐草地, 係幾舒服, 好似有d外國人風味添呀哈哈。因為我在香港經常掃街,有次在銅鑼灣街頭一手攞住野食一手攞野飲再甩左鞋帶都咪話唔狼狽, 所以我都好欣賞人地地方有呢d細節位。 另外, 我過左最舒適的一個夏天, 係一個有風加乾爽既夏天, 可以坐草地野餐, 搭車去遠少少仲有羊仔睇, 又有好多海灘, 簡簡單單既生活, 難怪有些kiwi (新西蘭人) 會嫌自己國家悶。 4. 人 都係資料搜集, 資料話Kiwi 純樸, 我諗人同治安息息相關既, 治安唔錯應該人都唔會好可怕卦 (純粹by自己邏輯) 。其實奧克蘭市中心有好多不同種族的人, 我都唔識區分, 普遍都nice, 唔識既都會微笑或者傾兩句。不過都係睇下遇到咩人啫, 無得一概而論既。 仲有衣食住行等等想寫, 不過而家唔想打字了, 寫低響度提我自己。
