新年間去左兩日澳門玩同拜年 真係多謝哂我既好親戚次次都咁好招待 次次黎都帶我食好野 所以今次想推介幾個地方 當中無炮台、大三巴等著名ATTRACTIONS 而係澳門必食及懷舊既好去處 我搭17:50分船 其實一個鐘已經到左澳門 但我八點幾先到屋企 因為係澳門等的士真係好似係香港排d出名既餐廳咁耐 港澳碼頭出面個的士站 雖然係有兩條隊 但有一條隊係d的士好少兜入去 所以我揀左好多人揀個條隊 一等就等左一個幾鐘 一到埗 同親戚食左飯拜左年先 夜晚就等我呀姨兜左我去幾個賭場影下相 美高梅MGM的LOBBY 賭場街 影完相 之後去左一間好好食既糖水鋪 '楊枝金撈' 由於遇上澳門有煙花區既安排 而澳門又少糖水鋪 所以好多近煙花區既'金玉滿堂'已經排滿哂人 咁我地就去左呢間 三個人叫左六樣野 炸蝦餅配芒果醬 我最愛既黑糯米底 芒果椰汁黑糯米 上面係楊枝金露 黑糯米好綿 配埋一齊就好好食 大地之花(推介) 估唔到連澳門都有得食盆栽 裡面有三層 第一係可可粉 第二係TIRAMISU 第三有D冰係到 成個都好好味又唔'利' 心太軟 個CAKE有少少硬同乾 不過整體都唔錯 朱古力雪糕配窩夫 呢個窩夫好硬好乾 唔知係咪澳門人既獨特口味~ 對我黎講我就麻麻地 所以食左一啖就停左口 第二天因為本人鍾意食茶記 所以一早起身就比人接左去食澳門一間懷舊茶餐廳 '南屏雅鈙' 點擊圖片放大 +2 南屏文治 裡面有叉燒火腿蛋 因為夠足料 所以口感好豐富 南屏奄列 同文治既材料一樣 奶油多 沙翁 咁大個女第一次食 不過真係唔太鍾意食 太多糖係外面啦 食完好有罪疚感 親戚推介呢到出名既凍啡 點擊圖片放大 十月初五街 即是南屏雅鈙的地址 下一站係食極度懷舊同老字號既雪糕冰室 '禮記' 開頭上網睇係比佢d雪糕咁VINTAGE既包裝吸引到 咁去到就一心叫個雪糕磚 點知堂食係無包裝的 50's PRICE LIST 樣樣都係一兩毫 店內有一個櫥窗放左好多鋪頭已經唔再用既用具 VANILLA 雪糕磚 其實食落唔係VANILLA既味 好重奶味 食完雪糕 就入左氹仔 去聖母堂前地個邊影下相 同食野 今次已經係第二次幫襯 澳門出名食豬扒包既地方 呢間係本地人比較prefer食豬扒包既地方 '新好利咖啡餅店' 其實我好想食燕窩撻 上次食過真係返尋味 但去到已經日落黃昏 所以依家賣哂 咁唯有叫鮮奶撻 奶味好重 仲係酥皮 香港已經好難食到~ 所以食撻都係留返係澳門先食啦 馳名既豬扒 由於上次食過豬扒蛋包 所以今次叫多士 一樣咁好味 塊豬扒真係好軟 好好咬口 TAIPA'S MAP 走過了繁街 官也街 又名手信街 顧名思義係最多手信賣既地方 不過唔好expect澳門既手信街係好長好多野賣 大家都知道澳門地方細 所以條手信街既長度就大約從我相片睇到 鉅記 咀香園 最香就例牌有 我通常都係買鉅記同最香 款式比較特別同屋企人鍾意 還有其他關於澳門的遊文: 郊遊澳門