呢間冰室位置唔難搵 係CITYWALK行過去好快 但我去過兩次都係要排隊 可能因為兩次都係WEEKEND去 而WEEKEND去最蝕底既就係佢馳名既蛋類三文治都唔會供應 仲要排約十幾分鐘既隊 提提食客如果想飲佢招牌奶昔就唔好咁早去食 因為整奶昔個位師傅成日都好遲返 一點後過黎就通常有 我地五人入座 叫左九樣野 無得叫蛋牛治 唯有點個鮮牛治啦 牛肉超足料 牛肉仲好煙UN 要一塊塊咁食 炸醬撈麵 火腿奄烈 <<必食>> 其實都唔知佢用幾多隻蛋黎整 因為呢份奄烈真係勁大份 唔熟唔生岩岩好 中間仲有好多火腿 足料之選 炸雲吞 推介 呢個係我每次黎牌會點既 佢同酒樓既炸雲吞唔同在無咁薄 呢個好有咬口 蝦又大隻又多 牛腩雞翼麵 呢個都係推介之一 卥豆腐 有少少辣 豆腐醃得好入味 主角出場啦 當初就係呢幾杯奶昔極度吸引我想黎呢間冰室既原因 鮮蛋奶昔 呢個係最好味 好立克奶昔 何華田奶昔 荷蘭谷古 好苦 好似DRAK CHOCOLATE既味 我地個個都鐘意唔同口味既奶昔 各花入各眼 點擊圖片放大 另外第二次去既時侯叫左個咖哩牛腩撈 無影相 呢個真係好味 有少少辣 但咖哩味好重 值得一試 其實荃灣真係有好多好野食好多野做 食完可以搭車入城門水塘行山/去馬灣公園行下 或者係骨牌式既商場到行下街