今次澳門遊去左好多地方 不過其實澳門黎濊去都係賭場區/氹仔/路環 由於我未夠21歲 去過咁多次澳門都仲未可以入賭場見識下 所以唯有介紹下大家去澳門 除左賭場 仲有咩地方好去 今次全程我都差唔多係用手機影相恩物 - 魚眼鏡 因為太熱唔想成日拎住部相機周圍走 只要套左係電話 就可能做到魚眼效果啦~ 由於我係搭夜船到澳門 所以一落船就同我屋企人去左氹仔游水 今次係我咁大個女第一次係澳門泳池游水 - 嘉模泳池 想游既朋友注意啦: 澳門泳池嚴禁無帶泳帽既泳客 一律唔比入泳池範圍 我都係第一次去 唔知規矩 所以即場問左救生員有無泳客遺漏左佢地既泳帽可以借比我 謝天謝地!!!!!!好彩佢地有 我先無白黎一趟 入場費MOP$15 LOCKER MOP$10 一個(可退) 完 第二天 一早起身 就去到 大三巴 牌坊 十幾年無黎過呢到 完全無變過 都係人山人海 今次仲入左去大三巴個地下室 睇左d天主教既遺跡 呢個就係魚眼鏡既好處啦 如果我企到咁近牌坊好似平時咁影 一定影唔到成個牌坊 用左魚眼鏡就可以比平常廣角好多! 我終於可以咁近牌坊既位置佔得一席位 由大三巴一路走落去 就係澳門既另一個手信街(新馬路) 澳門人又稱新馬路為噴水池 因為噴水池係呢到既地標 民政總處就係噴水池既前面 以下呢兩張係噴水池有人同無人既分別 點解會咁? 因為突然有陣過雲雨黎左 成條街無哂人 一落完即刻就擠滿哂人 新馬路 澳門少之又少shopping既地方 可以係呢到醫肚 買手信 行街 影相 手信街又點少得鉅記呢 最近佢地既包裝又回到過去 越黎越懷舊 又有得玩又有得食既土耳奇雪糕 估唔到已經黎左澳門啦 可惜我無拍片 大家不妨去比人玩下 MOP$15一個 食完一個早上既街 等到我親戚放LUNCH就一齊去左醫肚 呢間叫'金城餐廳' 鋪頭既外表雖然係殘舊d 但真係不可貌相 食左最出名既雙汁雞米 當然佢用咩汁係唔會公開啦~ 雞好滑 汁又好濃 的確無介紹錯 食完lunch, 又去氹仔行下 買手信 官也街 係呀 我又黎啦 不過今次發現左間裝修到好懷舊既藝術手信店 原來真身係咀香園黎 仲命名呢間分店叫 '官也墟' 除左咀香園既產品外仲有 d本地創作既postcard 磁石貼 水杯 etc... 係我第一次黎澳門感覺到有藝術既地方 因為呢到似一個小形既市集咁 連外牆都油到好靚 唔講真係唔知係咀香園黎 以為係手作市集 點擊圖片放大 睇完,食完,行完 去左位於路環最盡頭既黑沙海灘 呢到係傳說中沙同海水都係黑色既地方 睇到個樣係好奇怪 可能會以為污染問題搞到黑水既海水 但呢到有救生員有淋浴間 其實係一個水質合格既泳灘 呢個沙灘真係好大 全長1350米 我為黑沙拍左一段海浪片 只15秒 有好興趣可以click入去睇睇 https://www.youtube.com/watch?v=MRkhGWZQirA&feature=youtu.be 路環碼頭 點擊圖片放大 之後約六點半 夠鐘睇日落 就上左主教山 景色真係唔錯 上圖係澳門旅遊塔 可以玩笨豬跳同sky walk 下圖係澳門既舊城區 不過日落就無緣睇啦 因為天氣唔討好 唯有下次啦 日落完 落左主教山既下面有間葡國菜食下 '亞利咖喱屋' 因為我同親戚講黎澳門一定要試下葡國雞飯 點知佢話正宗葡菜係無呢樣野 不過唔緊要啦 一場黎到 見到有都要order黎食下既 薯仔焗蝸牛 馬介休炒飯 四季豆牛肉 naan (我最愛) 蒜蓉焗西蘭花 主角黎啦 焗葡國雞飯 我一直以為澳門無大自然既地方 原來都仲有呢到可以比人黎bbq 露營 行山 游水 今次發現到澳門既另一面都係意外驚喜 澳門地道必食遊記