如果大家有睇我簡介/識得我的話,都應該知道我係不折不扣的running man迷。上年年尾發生左件令RM迷晴天霹靂的事件,首先係姜gary離開rm的新聞,然後就係金鍾國同宋智孝突然“被下車”,再來就係宣佈節目做到去2月尾就會完結。所以之前見到宣傳話佢地會去澳門做見面會,抱住最後一次見面會的心態買飛!於是開始左我同妹妹快閃澳門一日之旅。個show夜晚8:00先開始,當然我地要早d去澳門行下食下野喇! 第一站係去關閘附近的百樂門粉麵店食撈麵! 店舖仲保留住以前舊式快餐店的裝修,好有童年回憶! 係香港已經好耐無見過飯類只係$26,最貴的黑椒牛柳絲炒飯都只係$30,實在太抵! 其他麵類都唔貴! 我叫左個叉燒煎蛋咖哩汁撈油麵!除左咖哩汁外,仲有腩汁同埋豬手汁! 雖然我叫熟蛋,但都有蛋黃流出黎! 將咖哩汁同蛋黃撈過後加埋麵條一齊食,真係好好味!咖哩汁唔會好辣,但食到香料的味道!最岩我呢d唔食得辣但又要食的人! 妹妹就叫左雞扒咖哩汁撈麵! 咁懷舊的環境下緊係要飲返枝維他奶! 「百樂門粉麵店」 地址:祐漢祐漢新村第一街16號 第2站去左位於議事亭附近的呢間碗仔翅專門店! 當日好多人排隊,所以我地決定外賣係門口食! 價錢唔算平,但一場黎到都要試下既!我地要左兩碗$70的花膠海蔘煲仔翅! 我唔食海蔘,所以比左妹妹食,但佢話海蔘好唔得,好似食緊橡筋咁。但花膠我地都覺得幾好味,翅亦都多,味道都夠味! 「添發碗仔翅美食」 地址:新馬路福隆新街18號地舖 碗仔翅呢條好街好古色古香,除左食店外大家都可以係度留影一下! 終於到左戲肉喇!期待已久的Running man開場喇! 點擊圖片放大 +3 文章回顧: 【YING住行】家庭旅行出走澳門 "Click me" 【YING住行】澳門舊式茶餐廳 - 新英記 "Click me" 【YING住行】澳門行住食,行住買 "Click me" 【YING住行】澳門糖果天國「Sweet & Sticky」 "Click me" 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle