有睇開我blog都應該知我之前join左PAC Fitness的修身課程。講到我呢個零運動量的人點樣可以修身。今次再同大家分享一下我係修身減肥的過程的心態。 其實減肥做運動真係唔難,最初會辛苦係因為無做開運動而唔習慣,每次做完運動起碼酸痛兩日先會好d,但依家已經開始習慣左,多數肌肉痛1日就會無事,而且以前會覺得做完運動後的肌肉痛係一個折磨,依家反而會因為肌肉痛而感到興奮,因為我知道我有做岩動作,又覺得呢個係修身的獎勵。 我開頭都講喇!做運動真係唔難,最難係堅持。每次做完運動全身就好似擔完泥一樣,真係攰到唔想郁。如果撞岩個日有job,再去做運動,其實真係好辛苦。再加上每個星期兩日的運動並唔足夠,其餘的日子都要係屋企做少少輕量的動作(例如:平板支撐、修腹動作)或者帶氧運動。往往呢d咁細小的過程都要堅持做先會有效果! 另一方面之前都講過除左做運動之外,控制飲食係修身的過程都估左好重要一環。控制飲食真係好考自己的忍耐力,面對咁多美食的引誘,真係要有定力控制自己唔好食!教練Anthony建議我午餐及晚餐要戒澱粉質同糖,但現今的都市生活真係好難完全戒得哂呢兩樣野!正所謂一日之計在於晨,就算係唔洗減肥的你應該都有聽過一日3餐,最緊要一定係早餐,食早餐可以令你精神d又可以飽肚d,令你午餐可以食少d,所以每日最豐富一定係食早餐,而anthony話早餐可以選擇的澱粉質就有麥皮、生麵、意粉、米粉、通粉、瀨粉。雖然飯桶的我唔可以食飯同公仔麵,但以上的食物就可以令我覺得無咁難過。 開始左一段時間同佢有d熟絡喇! 基本動作已經習慣左小小,可以開始練d深入d的動作喇! 聽閒呢期新興的肌肉余文樂都係做呢姐動作操肌架! 大家有興趣知道更多PAC Fitness的資料可以到以下網址及FB睇下架! Facebook:https://www.facebook.com/FitnessPac/ Website: http://www.fitnesspac.com/ 「YING住食住行」已經係facebook開左專頁喇!歡迎大家入去比個like丫! www.facebook.com/yingyingstyle