之前幾次去新沙洞都有落雨,今次去新沙洞又落雨,而且仲越落越大,於是我地決定提早食lunch順便可以避雨。行下行下於是揀左間樓上餐廳,估唔到裝修係咁靚! 裝修得好靚,外國復古鄉村風!連d枱枱櫈櫈都好靚! 餐廳有個露台位種滿花草,如果天氣唔錯時坐係露台都係另一番滋味!當日雖然落雨但我地都揀左坐係露台! 實在太喜歡呢度的一杯一物! 前菜有蒜蓉多士及醃蘿蔔,多士唔係一般麵包,係有好似燕麥係裡面! 大蝦檸檬忌廉意粉 - 忌廉意粉就食得多,加埋檸檬汁都係第一次食,但出奇地又幾夾幾好味!忌廉加左檸檬汁會無咁膩,而且幾開胃,酸酸地幾特別! 肉醬千層麵 - 其實我本身唔係太鍾意食千層麵,因為覺得好膩而且唔鍾意太多粉團的感覺,呢個係好味但又未能夠令我改觀! 熱朱古力 - 呢杯熱朱古力暫時係我飲過最好飲!朱古力味勁濃又唔會好甜!而且當日天氣都涼涼地,飲杯熱朱古力就最正! 焦糖咖啡 - 佢最得意係可以自由加幾多焦糖,鍾意飲濃定淡自己調較! 點擊圖片放大 「Coffee Us」 地址:首爾江南區江南大路160街49 1樓 韓文地址:서울 강남구 강남대로160길 49 Facebook:www.facebook.com/yingyingstyle 韓友營:http://koreaplaza.hk/blog2.php?uuid=5870945c5fa41