1月4日係我同老公的結婚週年,當日晏晝老公已經比左一個大驚喜我,夜晚仲一早預訂「Mr.Steak」慶祝!真係太感恩身邊的另一伴仍然咁盡心盡力為我製造驚喜。好多人都會覺得結左婚已經係完成左人生一個大任務,認為結左婚就可以鬆懈或者唔需要再為呢段關係保鮮,但反而我會覺得結婚係人生的另一階段,並唔代表你可以繼續安於現狀,唔努力去維繫大家的關係又點可以同另一伴白頭到老呢?所以我好喜歡「還記得」呢首歌的歌詞:『枕邊的一個熟人見最多 眉目近 時日叫 輪廓失真』、『歲月太長 會令你忘記了伴侶差一句讚賞』、『要是不消失何來記得 太吝嗇一句褒獎』,每次我同老公有意見不合時都會聽下呢首歌,聽完好快會平息自己的怒火。希望大家可以珍惜身邊人為你做的任何事!好!放閃完畢,開始為大家介紹「Mr.Steak」。 唔知大家有無聽過或者去過「Mr.Steak」呢?呢間Buffet係近年我比較喜愛的餐廳,原因係有生蠔,食物質素一路都保持到水準!不過由於現在減肥中,只可以主力吃肉類、蔬菜及海鮮!好喇!我自首喇!我承認當晚有偷吃到小小澱粉質及甜品喇!所以依家帶住內疚每晚做帶氧運動! 估唔到呢間buffet的壽司都幾受歡迎,每次出去拎食物時都見到會缺左一忽,壽司size一啖一口,唔怕食得多食唔落其他野,可以滿足一眾壽司迷! 每個時段一開始最多人排隊一定係生蠔區,師傅即開生蠔,每人限拎4隻,由於我本身唔食生蠔,所以每次老公都可以食雙份! 魚生刺身分別有三文魚、赤貝、象拔蚌、帶子、甘蝦及油甘魚,魚生非常新鮮,唯一唔好處係甘蝦要自己剝殼! 海鮮區有龍蝦、麵包蟹、蟹腳、青口及涷蝦,咁多樣海鮮我比較鐘意麵包蟹及蟹腳,麵包蟹膏及蟹腳肉好鮮甜! 各款前菜,除左大路涷食煙三文魚、Parma ham,仲有幾款濃淡味的芝士而比較特別就有紅菜頭沙律。 熟食方面有和牛粒、羊架、鵝肝,和牛粒好juice,鵝肝煎得香脆但比較油! Buffet當然唔少得烤牛肉,而呢度仲有片皮鴨食,不過師資片鴨片得好大舊,有小小難食到。 壽喜燒,你叫一份,師傅即時淥一份和牛片,湯底香甜! 甜品區好多選擇。 細細件蛋糕,等你可以留返多d位食其他甜品! 一定要試呢度的3.6牛奶布丁,布丁好香滑,有濃濃的牛奶味道! 呢度的雪糕係Movenpick! 點擊圖片放大 +4 酥皮海鮮忌廉湯 比較欣賞荔枝布丁,最頂有荔枝爆珠,好味! 呢度的心太軟唔係特別好味,但勝在可以比你寫底你的心底話甜一甜身邊人的心! 依家係晚市時段用信用卡簽帳,仲有88折優惠添! 「Mr.Steak Buffet à la minute」 地址:銅鑼灣告士打道280號世貿中心6樓 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle