雖然大埔三多的炸脾已經好多人識,而且旺角已經開左分店,但其實我一直都好out未食過!咁岩個日去朋友新家打躉完想一齊食過宵夜繼續吹水,而朋友新家過去大埔又好近喎!於是成班人浩浩蕩蕩咁去試下大埔呢間咁出名的「三多」。 三多總店人氣果然好勁,當晚係平日而且已經12點幾但都有好多人食! 三多旁邊的渣夫係飲品部,夜媽媽都有珍珠奶茶飲都真係第一次! 仲有手工啤酒,不過當晚不適宜飲酒,所以都係飲返珍珠奶茶吧喇! 三多出名食雞脾,除左炸脾之外,仲有鹵水雞脾!呢隻雞脾除左鹵水汁鹵得入味之外,仲有少少瑞士汁的味道,味道甜甜地都好惹味! 三多名物 - 炸雞脾,外皮炸得香脆,雞肉都有肉汁,但略嫌唔夠味道,需要靠辣粉調味! 除左雞脾外,三多仲有其他野食,好似呢個香辣肉碎炒腸粉,炒得夠乾身,不過都幾辣! 水餃麵 沙嗲肥牛撈公仔麵 沙嗲午餐肉撈公仔麵 餐腿腸蛋公仔麵 呢度真係夜宵人士的天堂,又可以坐得耐唔怕阻住人收工,不過可惜對我地呢d九龍人黎講都係遠!只好再等下次有機會再試過! 「三多」 地址:大埔北盛街29A號地下 營業時間:18:00 - 03:00 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle