之前同朋友食飯,朋友提議想打冷,記得無幾耐之前有間新的潮洲菜食店「心夜來潮」搬左黎旺角,之前係舊舖食過一次但菜式選擇較少,但睇到佢地FB搬左黎呢邊多左菜式選擇,於是再決定過去試下。 裝修夠古色古香!地方夠大所以座位一d都唔逼! 正宗汕頭手打牛肉丸 - 呢個手打牛肉丸好彈牙而且好濃牛肉味,呢個好好味! 鹵水拼盤 - 打冷點可以唔食拼盤呀?一盤3個人食岩岩好,豆腐夠哂入味但豬耳及腩片略嫌鹵得唔夠入味! 小米餃 - 小米餃皮非常煙韌,裡面包住豬肉餡料,感覺有小小似魚皮餃!味道特別! 胡椒豬肚湯 - 胡椒味好濃,夠哂辣,涷涷地飲一碗勁驅寒! 整體食物質素都好好,但可能地方太大,侍應得兩、三個,有小小應接不下! 「心夜來潮」 地址:旺角西洋菜南街138號福苑2樓 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle