之前提過今次韓國之旅去左好多未去過的地方,其中一個地方就係位於仁川的「松月洞童話村」,仁川係地鐵1號線的尾站,所以預計車程最少都要1小時。大家亦要小心1號線係有分主線及支線,要去童話村一定要搭往仁川(인천)方向的車,如果唔係架車會直接係九老站轉往西東灘(서동탄)方向,我岩岩去呢次就係上錯左向西東灘的方向,要係加山數碼園區落車轉7號線往溫水方向先可以成功到達仁川T^T 之前都有提過要去童話村一定要經過中華街,只要穿過中華街就會見到童話村架喇! 整間商舖都係粉紅色,勁有少女味! 村內的壁畫都好高質素架! 一棟房間有齊3個公主,長髮公主、白雪公主同埋灰姑娘,帶埋小朋友黎呢度實好開心! 南瓜車不要掉低我!!! 要爬去邊呀??? 呢棵樹令我諗起細個係麥當勞見到個棵樹,不過呢棵大好多! 都話韓國的狗狗好cool架喇!T^T 除左有壁畫,仲有個位係古色古香的韓屋比你拍照留念!(當日呢個位好多情侶影架) 以下呢3幅壁畫足有2層樓咁高架,真係好厲害! 點擊圖片放大 童話村點可以無糖果屋呢幅壁畫呢? 阿拉丁從天而降 呢間商舖以城堡裝修,但入面賣既係動漫商品! Black Rabbit下面有隻黑白色的貓,我喵左佢幾次,佢終於肯望過黎喇! 愛麗斯跌落黎童話村喇! 「松月洞童話村」 地址:仁川廣域市中區松月洞3街,一帶 韓文地址:인천광역시 중구 송월동3가, 일대 文章回顧: 【YING住行】韓國的中華街 "Click me" 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle