今次去韓國仲特登坐1個鐘地鐵去好遠的松月洞童話村,如果大家之前有search過關於松月洞童話村的資料應該都知要去童話村之前一定會經過中華街架喇!今次我地就係中華街食lunch! 一出仁川地鐵站就會見到中華街! 行上一條斜路後就會被咁多間中華料理的食店包圍! 間間食店都差不多,於是隨便入左一間食店!入到去先發現原來SBS同KBS都有採訪過呢間食店! 韓國人好鍾意食中華料理,其中佢地的最愛一定係炸醬麵同埋海鮮麵。主角未黎之前先食下配菜醃蘿蔔、泡菜同埋生洋蔥,通常食炸醬麵都會配黃色呢款醃蘿蔔,而炸雞多數配白色的酸蘿蔔! 主角到喇!一場黎到點可以唔食炸醬麵呢?睇韓劇見d主角食搞到我流哂口水,今次我終於可以一嚐韓式炸醬麵喇!味道偏濃,岩哂我呢d重口味人士!之前係明洞街邊食過一次炸醬麵,覺得好甜,完全唔好味!而呢間整的炸醬麵係濃味好多,無甜味!令我對炸醬麵完全改觀! 三鮮湯麵 - 呢個係比一般紅色的海鮮湯麵清好多,雖然望落去好似好清,但一d都唔淡! 煎餃子 - 雖然menu係寫煎餃子,但橫睇惦睇佢都係炸餃子喎!餃子炸到脆卜卜,入面都仲有肉汁,好味! 沿路的中華街都好有特色! 可愛的狗狗,但韓國的狗狗都幾cool,唔係好理人! 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle