今次同大家介紹澳門的特色小食,當中仲有店舖係新開架! 呢間食店叫做「不是葡撻」,佢的特色係將葡撻皮改用年輪蛋糕。 open kitchen可以睇到師傅整年輪蛋糕 一共有兩款口味,一款係葡式年輪蛋糕,另一款係芝士年輪蛋糕,而且有分硬皮及軟皮,但我覺得兩個皮都無咩分別。 芝士年輪蛋糕 - 與其話佢係蛋糕,應該形容佢係芝士撻比較貼切,呢個芝士味好濃,入面係流心cream cheese,好味道!相反葡式年輪蛋糕就無咩特別,無咩蛋味,甜味亦唔夠! 「不是葡撻」 地址:新馬路澳門清平街6號地下 當晚行上大三巴,經過呢檔賣咖哩牛雜,口痕的我地又走過去睇下有咩食。 呢度除左牛雜仲有其他丸、煎釀三寶及車仔麵食。 咖哩魚蛋 - 對比我地香港的咖哩魚蛋真係差好遠,無咩咖哩味,反而魚蛋都幾好味,夠彈牙! 「強記咖哩牛雜」 地址:沿路上大三巴,女媧廟旁邊 晚餐去返氹仔官也街個邊食,一落車見到呢間舖頭賣的飲品用個好可愛的熊仔樽裝住,所以就決定買黎飲同埋收藏個樽。 一個係草莓寶寶,另一個係咖啡撞奶,開頭諗住貪個樽靚,點知原來都幾好飲架喎!我個個草莓寶寶入面仲有果肉架! 「Macao Imoerial Tea」 地址:氹仔告利雅施利華街49號地下 「氹氹轉,菊花園,炒米餅,糯米糍...」細個個陣成日都唱呢首歌,我都係第1次食炒米餅,佢比杏仁餅脆d,重米味多d! 「英記餅家」 地址:氹仔新濠影匯2059號舖 上次黎澳門試過係度買過枝酒版,係呢度買好平,其實除左買酒外仲有好多酸小食買架! 每次黎都係人頭湧湧! 兩枝加埋都係80幾蚊! 「齒香餅家」 地址:澳門澳門新馬路477號地下 文章回顧: 【YING住行】家庭旅行出走澳門 "Click me" 【YING住行】澳門舊式茶餐廳 - 新英記 "Click me" ---------------------------------------------------------------------- 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle