前日受到deTour的邀請參加deTour 2016創意匯聚十日棚,其實deTour呢個活動係由PMQ主辦的年度盛事。透過展覽、工作坊、講座比大家更加認識設計師的作品。PMQ好耐之前去過一次,知道PMQ呢個地方係宣揚「創作企業家精神」,培育好多本地新進的藝術家進行各式各樣創意活動的工作室,將創意轉為商機。今次受到邀請可以比我享受一日做偽文青的感受。 PMQ元創方原址係已婚警察宿舍,2010年政府就將呢個地方治化打造成創意中心。 係PMQ出面都已經有幅牆畫比大家留倩影。 樓梯畫繪畫得好靚! 今年deTour的主題係「Game Changer」,即係舊有的遊戲改變一下形式,睇下會唔會有另一方面的體驗。而呢個遊戲《速度的藝術》,鼓勵小朋友發揮創意設計賽道,可以將圓形筒加入賽道,玩具車就好似進入左隧道一樣。而所有的賽道都係用日常可回收的物品創造出黎。 呢個展覽設計師將書籍展開創造一個隱蔽的空間出黎! 呢間cafe係由一對孖生兄弟一同創立,將我地認為應該被拋棄的食物重新設計,以另一個面貌出現係餐枱。 我地可以透過瀘鏡將真實同相片重疊。 點擊圖片放大 呢個作品《墨象》以書法筆畫投影係一層層織物上,營造出朦朧神祕的深度,真實睇同相片睇又會有不同的感覺。 企係薄紗後面影出黎的效果真係唔錯! 《靛藍雨》呢個展覽係一個實驗,靛藍液由裝置頂部滴下,染藍裝置下面的任何物件,包括地面,嘗試下究竟會有咩效果出現,設計師仲話會將地下塊布用黎造衫。 呢個作品《SAVE THE FISH》,顧名思義係希望大家關注一下海洋的污染,喚起大家環保的意識,所有銀色的魚都係用鋁罐所造。 你睇到的係一片銀色的海洋定係一片魚鱗? 呢個作品仲有個小小的遊戲同訪客互動,你可以用魚杆吊起係地下銀色的小魚,當你成功吊起係可以將小魚帶返屋企。 你有無諗過一位視障人士都可以畫畫?呢位設計師將一系列香港的地標和供代表性的香港文化產物轉化成TAIS 展版,等視障人士可以觸摸、聆聽和感受並且將佢的感受繪畫出黎。 文字我地每日都會接觸,但如果將佢拆開,你又認唔認得到佢原來的面貌呢? 點擊圖片放大 呢個展覽包含左好幾樣的新設計 呢幾塊薄如絲的窗簾既不透光又可以睇到窗外的風景,而且物料係用金屬造。 有無人覺得平時的字體會已經用無可用?呢個網頁可以比你自己揀專屬於你的字體。 (但選擇困難症患者表示非常頭痛) 呢張椅的設計好似好古怪,但我試過坐落去非常舒服架!我真係試過! 除左以上的展覽外,PMQ本身都有好多特色的店舖。 呢個舖頭好靚,係度影相都好靚架! 點擊圖片放大 +2 多謝deTour送的紀念品^^ deTour 2016創意匯聚十日棚 日期:2016 年 11 月 25 日 (星期五) – 2016 年 12 月4日 (星期日) 時間:11:00am – 8:00pm 場地:PMQ 主辦:元創方 費用 (港幣):免費 地址:香港中環鴨巴甸街35號A座S614室 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle