今次去韓國唔係淨係得Shopping、Shopping同Shopping架!今次我報左韓國一天遊去睇楓葉。咁大個女都未睇過楓葉,襯住今次去韓國一定要去見識下!其實今次報呢間本地遊公司都幾好,價錢唔算貴,1日去3個地方又包一餐,最緊要係唔洗我煩交通,仲要集合點同解散點都係明洞(今次酒店係明洞),最岩我呢d懶人。 入返主題先!我地第1個站係去金裕貞站江川玩鐵路單車,有睇Running man的話對佢應該唔陌生喇!其實係利用已經停駛的鐵路路軌,裝上腳踏板車,只要坐上車就好似踩我地香港的家庭單車一樣行駛。鐵路軌道全長7.2公里,時間大概50分鐘。沿路有好靚的風景及3條不同主題的隧道,令你放鬆一下平日工作緊張的心情。當日江川只得2度,係我成個trip最涷的一天,開頭仲好擔心係咁涷的天氣玩鐵路單車實涷死,但沿途咁靚的風景已經令我忘記涷的感覺,只係記得要影多d靚相! 每架車可以選擇2個人踩一架單車又或者同其他人合併4個人踩一架,當日我地同另外兩位團友一齊踩,可以分擔一下嘛!^^ 我地的導遊好nice,仲幫哂我地咁多位團友影相! 出發喇!其實開頭真係幾涷架!涷到個鼻都紅哂! 沿路好靚的風景 經過左幾條隧道就會有個休息站比你落車轉坐火車繼續完成旅程! 到達休息站你可以係度買少少小食同飲品補充一下體力! 踩到去休息站大家都要落車,所以好多人都會係呢條路軌度留影! 餘下的旅程就係坐我身後呢架火車喇! P.S.有興趣知道有關韓國一天遊的資訊可以PM我! 【江村鐵路單車RAIL BIKE】 강원도 춘천시 신동면 증리 323-2