今個星期去左一轉韓國,當每晚行程結束後都一定要去一轉便利店,一來可以買第2朝的早餐,二來又可以買宵夜零食。韓國的便利店實在有太多食物吸引我的食慾,樣樣都想買,樣樣都想食,但連埋個甜品胃都係得兩個,1個已經比晚餐霸左,實在已經食唔落,唯有影左當食左喇! 韓國人唔知點解咁鍾意食香腸,無論邊一間便利店都係有咁多款香腸排哂係咁,而且好多味道選擇,有辣味、芝士味,又有叮叮魚糕,如果酒店有微波爐的話都可以買返酒店做宵夜,我自己都有買過味道都唔錯! 飯團同埋三文治都係旅行早餐的好選擇,但我比較鍾意食紫菜飯卷,呢度的紫菜飯卷連係便利店買的都好好味,同香港個隻雪到硬哂的飯卷簡直無得比! 連便當都有得買,個樣好豐富! 韓國人喜愛咖啡的程度係誇張到一整個雪櫃都係不同牌子,不同口味的咖啡,黎到韓國又點可以唔入鄉隨俗飲返杯咖啡呢? 有d大少少的便利店都會有出爐麵包買既,但我就未試過買黎食。 各式各樣的杯麵,我試過食過1款炸醬口味的杯麵同埋辣芝士麵都好好味! 唔想食杯麵仲有不同的湯飯,即沖湯比你選擇!