下個星期又會飛一轉首爾喇!每次去親旅行我都會有個shopping list,去到跟住黎執。其實係因為之前成日返到香港先發現買漏野(已經唔係第一次)。今次就同大家分享下我加左咩新野入shopping list喇! 化妝品: 每次去除左會買用開的化妝品之外,例如Etude House的碎粉同埋眼線筆、Banila Co.的卸妝紙巾等等...有時見到有新出的韓國限定product,我都會想買黎試下。 如果想睇返之前介紹的化妝品,可以click入以下網址: 【YING住買】韓國十大我最喜愛化妝品 (上) 【YING住買】韓國十大我最喜愛化妝品 (下) 今次加左幾個牌子的產品都想試下: (P.S.以下所有圖片從網絡下載) 1.A' PIEU A' PIEU最新推出星空格調的唇彩,淨係睇d顏色已經好想試喇!一共4隻顏色,個人比較想試藍色同紫色,而且見佢網站介紹可以用兩隻色調較做第2隻色添! 同樣係A'PIEU呢個牌子,呢個係透明液態暗瘡貼,有時化左個靚妝但就係因為1粒暗瘡而令個妝唔完美。但只要化妝前一晚訓覺前塗係暗瘡處,第2日撕開塊液態膜,粒暗瘡就會消失,講到咁神奇,真係好想買黎試下。等我試用後再向大家報告返個試後感! 2. 16 Brand 16 Brand係香港可能會比較少人識,呢個牌子係由宋慧喬的御用化妝師趙成雅所設計,包裝已經好靚好吸引,佢推出16 finger pen係可以胭脂及唇膏兩用的手指筆,仲要有咁多顏色揀...去到要買枝黎試下先! 衣物香氣劑: 韓國人好鍾意食烤肉,但次次食完烤肉個身都可以無味,就係因為佢地會隨身帶住一枝衣物香氣劑,食完之後噴一噴,個人即刻香返哂!唔止韓國人,我地香港人亦都有呢個煩惱,每次打完邊爐同食完雞煲,唔洗問都知你岩岩食完,但用香水噴的話會將兩陣味混合左,個陣味真係嚇死人,所以今次去到一定要買枝衣物香氣劑黎試下! 1. W.Dressroom 呢個牌子除左有香氣劑外,仲有香薰同埋肥皂,到時仲可以買黎做手信! 2. Saffron Care 同樣都係衣物香氣劑,不過呢個牌子有一種味道好特別,就係雲味喇!好吸引我買黎試下! 零食/即食麵: 1.即烤芝士條 芝士迷有福了!因為我發現左韓國有得賣即烤芝士條,返到屋企叮一叮就食得,好方便! 2.即食麵 第1係芝麻拉麵,第2係鮮蝦湯麵,睇到個樣已經流口水! 第1係部隊鍋拉麵,究竟部隊鍋變做即食麵係會點架呢?第2係好出名午餐肉的Spam牌子所推出的懶人包 - 部隊鍋,最岩一個人又想食部隊鍋的人喇! 3.零食 Market O唔係淨係得Brownie既,佢仲有出牛油餅乾,一定要買黎試下! Lotte Farm on the road 呢個係香橙戚風小蛋糕,好鍾意香橙製成品的我一定要試! (P.S.以上所有圖片從網絡下載) 其實仲有好多化妝品同埋食物想買,但太多不能盡錄。如果想知更多我黎緊去首爾的事物就要期待下我之後寫有關韓國之旅的文章喇!又如果你都有野想我係韓國代購的話,歡迎大家去我的FB專頁"All From Seoul"瀏覽及PM我 "Click Me"!