每次去到韓國,除左淨係買化妝品、買衫之外!仲有超級市場都係我最愛去的地方,有好多時都可以買到韓國獨有的食品,而且大部分都比香港平得多。以下就為大家介紹我會係超市買d咩。 1.麵 全部都係麵 我最鍾意買麵,韓國的即食麵對比香港的即食麵煙韌,就算淥得耐左都唔會過"林"。而我最鍾意買以下呢幾種即食麵。 1.左上角藍色包裝個包係冷辣撈麵,呢包好好味但都幾辣,比香港買平左$10度。 2.下面黃色個兩包係無味料的拉麵,好多韓國餐廳都會將佢加入自家製的湯料度。我最鍾意打邊爐時加佢入去代替出前一丁。價錢:HK$12 / KO$9。 3.生生烏冬,以前都係食杯裝,既然有包裝當然揀包裝喇,放落行李都方便好多! 2.薯片零食 好多韓國薯片都係好創新的味道,例如蜜糖味、辣雞味同埋早前韓國好Hit的焦糖味鬍鬚佬薯片。雖然有d睇落好吸引,但試食過後發現有d都幾伏,呢個焦糖味鬍鬚佬薯片,個陣好多人order叫我幫佢買返黎,點知食落去先知中伏。所以買薯片有時都要睇眼光。 3.飲品 / 甜品 我好鍾意食Petiltzel呢個牌子的布甸,佢幾款口味都唔錯架!呢個牌子仲有出忌廉蛋卷 ,最近呢次去韓國仲見到有埋朱古力味!當然要試喇,蛋卷好軟熟,忌廉又好滑,朱古力味都好香濃!另外我妹妹好鍾意一個牌子的芝麻荳奶,結果買左一pack返香港,一pack買又真係平好多! 有人係超市買生生炒烏冬掃哂貨架的貨... 呢個芝士年糕都好好味! 韓式炸醬味,竟然好食過我係明洞街頭食既! 大家有興趣去超市掃貨真係預多少少時間同彈藥喇!雖然比錢時可以比信用卡,但始終海外付款係要收手續費,所以都係比現金好d!