呢兩個星期真係好忙,忙到開電腦的時間都無....多得“海馬”比我可以偷到一日時間update下新文。食完個Brunch就試飲下新買的麥提莎沖粉(依家先黎飲我知道我好out),之前行優品360見到佢做減價,即刻買黎試下。其實咁多種朱古力,我真係幾鍾意食麥提莎,唔知大家有無試過食哂外層的朱古力先慢慢食裡面脆個個位,有強迫症的我一定要完整咁食完外層先可以咬入面,如果無意中咬破就一定要成粒吞左去再重新食一粒!所以成日不知不覺間成包食哂! 回到主題先!未試飲之前期待非常高,始終係自己鍾意食的朱古力。 試後感:我覺得真係麻麻地!1.我要加4匙的沖粉先有味,開頭加2匙,好淡無咩味。2.個甜味有少少古怪,唔似麥提莎味,反而有d藥水味.. 總括黎講,都係食返朱古力吧喇!