自從兩年前將韓國綜藝節目Running Man由第1集開始由頭煲一次之後,對於韓國呢個地方真係充滿期待。見到主持人食既野咁吸引,好早已經Bookmark哂好多必去的食店。又因為fb越黎越多人介紹韓國的化妝品,漸漸對韓國呢個地方充滿好奇!因一次衝動的搶平價機票關係,我可以第1次踏足韓國呢遍地,亦開始左我對韓國的情意結,漸漸踏入左崇韓呢條不歸路.... 去左咁多次之後對於韓國的睇法: 1.食物種類差不多 基本上可以分為3點。1.紅色的辣椒醬:年糕鍋、部隊鍋、海鮮鍋都係差唔多味道,好多都係加紅卜卜的辣椒醬做主味!雖然唔同的鍋物都係好好食,但食多幾間都會有少少悶。2.就係加大量芝士的食物:咩都可以加芝士,無論主食、甜品定係零食都可以加到芝士落去!如果你係芝士控,去到韓國你一定唔會失望!3.大部分主食都係辣多:微辣 - 極辣任君選擇!食多幾餐接受辣的程度又會高左! 2.無論咩年紀的人都會撞人 無論搭地鐵定係行街都比人撞過無數咁多次。除左比"阿豬媽"/"阿側si"撞過之外,都試過比後生少少的"Oppa"同"噢new"撞過。但唔好以為佢地會撞人就好無禮貌,其實好多韓國人都好樂於助人,係街度問路,好多時都會好nice咁幫你search位置,有d韓國人仲會好有心咁帶埋你去! 3.名副其實購物天堂 1.去得韓國又點可以唔買化妝品呢?其實韓國好多local品牌比香港平好多,曾經有人問過點解要特登去到韓國買d香港都有的牌子,原因就係個邊的local牌子會比香港平最少$20-30,好多時仲會做緊special promotion,例如買一送一,折扣優惠!唔買又點對得住自己喎! 2.除左買化妝品同買衫外,我仲好鍾意行家品店,韓國都有唔少出同名的家品品牌,例如:Butter、JaJu等等,行家品店除左可以幫屋企粉飾一番之外,都可以發掘到唔少好物用黎做手信。 3.去到韓國另外一樣必買的物品一定係襪喇!身為襪控的我去到韓國真係會發癲架!原因當然係價錢平($7一對襪,香港最平都賣$10喇!),款式又夠多同靚。有一次我買左20對返香港! 爆喼再加Hand carry滿載而歸